Kesh barysynda ǵalymnyń shákírtterí men zamandastary ūstaz turaly estelíkterín aıtty, dep habarlaıdy aqshamnews.kz tílshísí.
Almaty qalasy Íshkí sayasat basqarmasynyń Qoǵamdyq damu ortalyǵy A.P. Chehov atyndaǵy Ortalyq qalalyq kítaphanada Qazaqstan Respublıkasynyń Eńbek síńírgen ūstazy, ǵalym Baımūratova Báshen Baımūratqyzynyń 100 jyldyǵyna arnalǵan «Ǵylymǵa jetelegen ūstaz» atty ádebı tanymdyq kezdesu ótkízdí.
Ís-shara Íshkí sayasat qaǵıdattarynyń sayası gumanıtarlyq ıdeologemasy josparyna sáıkes jáne Ūstazdar kúní qarsańynda ūıymdastyryldy.
Kezdesudíń negízgí maqsaty Báshen Baımūratqyzynyń ūstazdyq jáne ǵylymı jolyn, bílím men ǵylym salasyna qosqan úlesín keńínen nasıhattau, onyń ónegelí ómírí men kásíbı qyzmetín keıíngí ūrpaqqa úlgí etu boldy.
Ís-sharaǵa ǵalymnyń ízbasar shákírtterí, ǵylymı qauymdastyq ókílderí, joǵary oqu oryndarynyń studentterí men kítaphana oqyrmandary qatysty.
Kezdesudíń arnaıy qonaǵy ǵalymnyń qyzy, audarmashy, Qazaqstan Jazushylar odaǵynyń múshesí Soqpaqbaeva Samal Berdíbekqyzy boldy. Ol anasy turaly estelíkterímen bólísíp, Báshen Baımūratqyzynyń ómír joly men eńbekteríne sholu jasady.
Kesh barysynda ǵalymnyń shákírtterí men zamandastary ūstaz turaly estelíkterín aıtyp, onyń kásíbı bolmysy men adamdyq qasıetterí jónínde oı bólístí. Báshen Baımūratqyzynyń ǵylymı pedagogıkalyq mūrasy men shákírt tárbıesíndegí ornyna erekshe nazar audaryldy.
Ádebı tanymdyq kezdesude oqyrmandardyń ǵylymǵa qyzyǵushylyǵyn arttyru, bílím men ízdenístíń mańyzyn dárípteu máselelerí de qamtyldy.
Keshtíń mazmūnyn ónerpazdardyń muzykalyq jáne poezıyalyq qoıylymdary tolyqtyryp, qonaqtarǵa án men jyrdan shashu shashyldy.
«Ǵylymǵa jetelegen ūstaz» kezdesuí kórnektí ǵalymnyń ómírí men eńbegín dáríptep, onyń ónegesín keıíngí buynǵa jetkízuge baǵyttalǵan taǵylymdy mádenı aǵartushylyq shara retínde óttí.