Almaty qalasynyń Bas josparyn túzetu jobasy boıynsha ótíp jatqan qoǵamdyq talqylaular ayasynda qala tūrǵyndaryna qūjatqa qatysty ūsynystar men eskertulerdí qarau tetígí túsíndíríldí, - dep habarlaıdy aqshamnews.kz tílshísí.
Tyńdaularǵa qatysushylardyń sūraqtaryna jauap bergen «Almatybasjospar» dırektory Ashat Sáduov talqylau barysynda kelíp túsetín barlyq ūsynys míndettí túrde baılanys derekterí — telefon nómírí nemese elektrondyq poshta mekenjaıy kórsetílgen jaǵdaıda qabyldanatynyn atap óttí.
«Árbír ótínísh boıynsha kerí baılanys qamtamasyz etíledí: sūraqtyń sıpatyna qaraı jauap telefon arqyly nemese elektrondyq poshta arqyly joldanady. Bas jospardyń mazmūnyna qatysty barlyq qūrylymdy ūsynys qaralady jáne qajet bolǵan jaǵdaıda qūjatty odan árí jetíldíru barysynda eskeríledí», — dedí A. Sáduov.