Almaty ákimi Darhan Satybaldy Azizi Group halyqaralyq kompanıasynyń Basqarma tóraǵasy ári negizin qalaýshy Mırvaıs Azızımen kezdesti, dep habarlaıdy aqshamnews.kz
Kezdesý barysynda taraptar qurylys, ónerkásip, týrızm jáne qonaq úı bıznesi salasyndaǵy ózara tıimdi yntymaqtastyqtyń bolashaǵyn talqylady.
Darhan Satybaldy Almatynyń Qazaqstandaǵy ınvestısıalyq tartymdylyǵy joǵary shahardyń biri bolyp qala beretinin atap ótti. Qala turaqty ekonomıkalyq ósimdi kórsetip, kásipkerlikke qolaıly jaǵdaı usynyp otyr.
«Biz qalanyń ınfraqurylymyn damytýǵa jáne jańa jumys oryndaryn ashýǵa úles qosatyn jańa jobalardy qarastyrýǵa daıynbyz. Almaty ınvestorlarǵa ashyq ári turaqty damý jolyn usynady», – dedi qala ákimi.
1989 jyly qurylǵan Azizi Group kompanıasy búginde BAÁ jyljymaıtyn múlik naryǵyndaǵy iri developerlerdiń biri bolyp sanalady jáne Qazaqstan aýmaǵynda qyzmet aıasyn keńeıtýdi josparlap otyr.