Almaty qalasynyń ekologıya ınspektorlary polıtsıya departamentíníń qyzmetkerlerímen bírlesíp, atmosferalyq auany qorǵau jóníndegí ís-sharalar jospary ayasynda qoqys shyǵaratyn arnaıy tehnıkanyń shyǵaryndylar normatıvíne sáıkestígín tekserdí. Būl turaly qalanyń Ekologıya jáne qorshaǵan orta basqarmasynyń ókílderí aıtty.
Eco Almaty mobıldí zerthanalary 2019-2025 jyldary shyǵarylǵan 65-ten astam arnaıy tehnıkanyń shyǵaryndylaryn qosymsha ólshegen, normadan asu anyqtalǵan joq.
Qalada qoqys shyǵarumen aınalysatyn 20 ūıym jūmys ísteıdí, olarda 283 bírlík arnaıy tehnıka bar. Jınalǵan qaldyqtyń barlyǵy «Green Recycle» JShS qoqys sūryptau kesheníne, sondaı-aq Almaty aglomeratsıyasyndaǵy polıgondarǵa jíberíledí: Qarasaı audanyndaǵy «Kaz Waste Conversion» JShS, Íle audanyndaǵy «Taza Jer Eko» JShS jáne «ADC Taza Alem» JShS, Talǵar audanyndaǵy «Eko Servıs Grupp» JShS.
Almaty aumaǵynda tūrmystyq qaldyqtardy kómetín jeke polıgondar joq — barlyq tūrmystyq qatty qaldyqtar aglomeratsıyasyndaǵy nysandarǵa jetkízílíp, aldyn ala sūryptalady.
Qala tazalyǵyna beı-jaı qaramaıtyn tūrǵyndar eOtinish servısí nemese Open Almaty 1308 baılanys ortalyǵy men +7 (727) 338 33 88 nómírí arqyly Almatynyń Ekologıya departamentíne zańbūzushylyqtar jónínde habarlaı alady.
