Medeu audanynyń balalary dástúrlí án, shahmat, vokal, suret salu men dombyra úıírmeleríne tegín qatysa alady.
Qala ákímí Baqytjan Saǵyntaevtyń tapsyrmasy boıynsha balalar men jasóspírímderdí jan-jaqty damytu úshín megapolıste qosymsha bílím beru júıesí íske qosyldy. Sondaı-aq Almatyda memlekettík shyǵarmashylyq tapsyrysty jan basyna normatıvtík qarjylandyru jobasy íske qosylady. Būl 4 jastan 17 jasqa deıíngí balalarǵa sporttyq sektsıyalar men shyǵarmashylyq úıírmelerge tegín qatysuǵa múmkíndík beredí.
Astana kúníne oraı Medeu audany, Qonaev kóshesí, 25 mekenjaıynda "Jas talant" áleumettík óner ortalyǵynyń saltanatty ashyluy óttí.
Jańa bílím beru ortalyǵy kúníne 30 balany qabyldaıdy.
Jobany júzege asyru úshín T.Q.Júrgenov atyndaǵy Qazaq ūlttyq óner akademıyasynyń jas mamandary qyzmet atqarady. Olar "Eńbek" memlekettík baǵdarlamasy boıynsha ortalyqqa jūmysqa ornalasyp, sabaq beredí.
Bıyl barlyǵy 4,2 myńnan astam bala men jasóspírímdí tegín úıírmelermen qamtu josparda bar. Jan basyna qarjylandyru ayasynda tegín sport sektsıyalarymen 4,5 myń adam qamtylady.