Joba būqaralyq sportty damytuǵa jáne tūrǵyndar arasynda salauatty ómír saltyn nasıhattauǵa baǵyttalǵan, – dep habarlaıdy aqshamnews.kz tílshísí.
Almatyda qalalyq Sport basqarmasynyń bastamasymen júzege asyrylyp jatqan ALMATY MOVE jobasy jalǵasuda. .
Ótken jeksenbíde qalanyń ekí alańynda ótken tegín jattyǵularǵa 100-ge juyq tūrǵyn qatysty. Tańǵy saǵat 09:00-de 28 gvardıyashy-panfılovshylar atyndaǵy sayabaqta ıoga sabaǵy ūıymdastyrylsa, dál osy uaqytta Tūńǵysh Prezıdent qory sayabaǵynda stretchıng boıynsha jattyǵu óttí.
Almatylyqtar demalys kúnín taza auadaǵy belsendílíkpen bastap, densaulyǵyn nyǵaıtyp, sergek kóńíl kúıge bólendí. Almaty qalasy Sport basqarmasy ókílderíníń málímetínshe, mūndaı jattyǵular sportty barshaǵa qoljetímdí etíp, tūrǵyndardyń demalys kúnderín belsendí árí paıdaly ótkízu mádenıetín qalyptastyruǵa yqpal etedí.
ALMATY MOVE jobasy aldaǵy uaqytta da Almatynyń túrlí audanynda jalǵasady. Tegín jattyǵulardyń ótetín orny men uaqyty turaly aqparat ALMATY MOVE jobasy men Almaty qalasy Sport basqarmasynyń Instagram jelísíndegí resmı paraqshalarynda jarıyalanyp otyrady.