Almatyda aryq jelísíndegí aqauy anyqtalǵan uchaskeler qalpyna keltírílíp jatyr, – dep habarlaıdy aqshamnews.kz tílshísí.
Almatyda júrgízílgen monıtorıng nátıjesínde anyqtalǵan aryq jelísíníń 124 problemaly uchaskesíníń 80-índe jóndeu jūmystary tolyq ayaqtaldy. Būl turaly Almatynyń Kommunaldyq ınfraqūrylymdy damytu jáne tūrǵyn úı ınspektsıyasy basqarmasynyń ókílderí aıtty.
Basqarma málímetínshe, qazírgí tańda 28 uchaskede qūrylys-montaj jūmystary jalǵasyp jatyr. Al qalǵan 16 uchaskede qajettí jūmystardy júrgízu josparlanǵan.
Almaty ákímí Darhan Satybaldynyń tapsyrmasyna sáıkes, aryq jelísíníń jaı-kúıíne tūraqty túrde monıtorıng júrgízíledí. Bıyl qala aumaǵynda barlyǵy 124 aqauy bar uchaske anyqtalǵan.
Almatydaǵy aryq jelísíníń jalpy ūzyndyǵy 1525 shaqyrym. Onyń 1259,4 shaqyrymy kóshe-jol jelísí boıymen ótse, 265,6 shaqyrymy jasyl aımaqtar men tūrǵyn úı aulalaryna tıesílí. Aryqtardy tazartu jūmystary kún saıyn júrgízíledí, ásírese su basu qaupí joǵary aumaqtar basty nazarda.
Nóser jauynnyń saldaryn barynsha azaıtu maqsatynda qala qyzmetí kún saıyn «Qazgıdromet» RMK ūsynatyn aua raıy boljamyn negízge alady. Būl kommunaldyq qyzmetkerler men arnaıy tehnıkany qauíp tónuí múmkín uchaskelerge aldyn ala jūmyldyruǵa múmkíndík beredí.
Qajet bolǵan jaǵdaıda Tótenshe jaǵdaılar departamentíníń motopompalary men Jūmyldyru daıyndyǵy basqarmasynyń Qūtqaru qyzmetíníń tehnıkasy íske qosylady.
«Aryq jelísín tazalau, jóndeu jáne jańǵyrtu jūmystary jalǵasady. Qabyldanyp jatqan sharalar su būru júıesíníń ótkízu qabíletín arttyryp, qala aumaǵyn su basu qaupín edáuír tómendetuge múmkíndík beredí», – dedí Almaty qalasynyń Kommunaldyq ınfraqūrylymdy damytu jáne tūrǵyn úı ınspektsıyasy basqarmasynyń ókílderí.