Kórermender súıíktí ánderín ártístermen bírge oryndady, dep habarlaıdy aqshamnews.kz tílshísí.
Almaty qalasy ákímdígíníń qoldauymen «Alatau» dástúrlí óner teatrynyń alańynda jaz aılarynda ár senbí saıyn ashyq aspan astynda ótetín ALMATY SUMMER FEST jobasy jalǵasyp jatyr. Festıvaldíń ár keshí belgílí bír taqyrypqa arnalyp, qala tūrǵyndary men qonaqtaryna túrlí muzykalyq baǵdarlamalar ūsynady.
Osy senbíde ótken muzykalyq kesh qazaq valsíníń korolí, kórnektí kompozıtor, Qazaqstannyń halyq artısí Shámshí Qaldayaqovtyń tuǵan kúníne arnaldy.
Shámshí Qaldayaqov – qazaq muzyka ónerínde óshpes íz qaldyryp, ūlttyq án mádenıetíníń damuyna ólsheusíz úles qosqan bíregeı tūlǵa. Onyń júrekke jaqyn áuenderí men syrly ánderí bírneshe buynnyń ruhanı mūrasyna aınalyp, kúní búgínge deıín halyqtyń ystyq yqylasyna bóleníp keledí.
Kesh barysynda kompozıtordyń keńínen tanymal shyǵarmalary shyrqaldy. Kórermender artıstermen bírge súıíktí ánderín oryndap, Shámshí Qaldayaqovtyń muzykalyq mūrasynyń óshpes qūndylyǵyn taǵy bír márte sezíndí.
Festıval sahnasynda Qūdaıbergen Bekísh, Beıbít Qorǵan, Ádílet Jauǵashar, ADAM, Álísher Qonysbaı, Mádı Ahmetqoja, Rústem Nūrjígít, Elnūr Nauryzbek, IGIGAI, RAY, Jasqaırat Valıullıev, dj Akhmetoff, «Báıterek», «ILIGAI», «WinL» toptary, sondaı-aq Eldar Otarbaev, Balausa Erǵalına jáne Nauryzbaı audanynyń ónerpazdary óner kórsettí.
Keshtíń eń áserlí sátteríníń bírí – Shámshí Qaldayaqovtyń áıgílí «Ana turaly jyr» jáne «Keshíkpeı kelem dep eń» ánderín artıster men kórermenderdíń bírge oryndauy boldy. Būl shyǵarmalar keshtíń mazmūnyn asha túsíp, kompozıtor shyǵarmashylyǵynyń halyq júregínde álí de aıryqsha oryn alatynyn taǵy bír márte kórsettí.
Muzykalyq kesh kórermenderge kóteríńkí kóńíl kúı syılap qana qoımaı, ūlttyq muzyka ónerín dárípteuge jáne jas ūrpaqty ruhanı mūraǵa jaqyndatuǵa baǵyttalǵan mańyzdy mádenı oqıǵaǵa aınaldy.
ALMATY SUMMER FEST aldaǵy ekí senbíde de jalǵasyp, almatylyqtar men qala qonaqtaryna mazmūndy muzykalyq baǵdarlama ūsynady.