Baıqau úsh kezeńnen tūrady, dep habarlaıdy aqshamnews.kz tílshísí.
Almatyda qalalyq Mádenıet basqarmasynyń qoldauymen «Almaty – án qanatynda» respublıkalyq kompozıtorlar baıqauy bastaldy. Baıqaudyń maqsaty – Almatynyń tarıhyn, mádenıetín, ruhanı mūrasy men qarqyndy damuyn beıneleıtín jańa muzykalyq tuyndylar jazu, sondaı-aq talantty kompozıtorlardy anyqtap, olardyń shyǵarmashylyǵyna qoldau kórsetu.
Baıqau ayasynda qatysushylarǵa Almatynyń kórkem beınesín muzyka ónerí arqyly jetkízuge múmkíndík beríledí. Kompozıtorlar «Shabyt bergen Almaty!» respublıkalyq baıqauyna ūsynylǵan poezıyalyq shyǵarmalar negízínde jańa án jazyp, sondaı-aq Almatyǵa arnalǵan avtorlyq tól tuyndylaryn ūsyna alady.
Baıqauǵa tūrǵylyqty jerí men qyzmet salasyna qaramastan, 18 jasqa tolǵan Qazaqstan Respublıkasynyń azamattary qatysa alady.
Baıqauǵa ūsynylatyn shyǵarmalar bíregeı, būryn jarıyalanbaǵan jáne ózge muzykalyq baıqaularda júldelí oryn almaǵan boluǵa tıís. Sonymen qatar tuyndylardy ázírleu kezínde jasandy ıntellekt tehnologıyalaryn, onyń íshínde áuendí avtomatty túrde qūrastyratyn júıe men neırojelílík qosymshalardy paıdalanuǵa jol berílmeıdí.
Baıqau úsh kezeńnen tūrady. Bírínshí kezeńde, 2026 jylǵy 15 tamyz ben 10 qyrkúıek aralyǵynda ótíním qabyldanady. Ekínshí kezeńde ūsynylǵan jūmystardy saraptamalyq komıssıya men kásíbı qazylar alqasy baǵalaıdy. Úshínshí kezeń – jeńímpazdardy saltanatty marapattau rásímí. Ol qyrkúıek aıynda Almaty qalasynyń kúníne arnalǵan merekelík ís-sharalar ayasynda ótedí.
Baıqau jūmystaryn baǵalauǵa belgílí kompozıtorlar, muzykanttar, dırıjerler, mádenıet jáne óner qaıratkerlerí, sondaı-aq qoǵam men būqaralyq aqparat qūraldarynyń ókílderí qatysady.
Qazylar alqasy shyǵarmalardy mynadaı talap boıynsha baǵalaıdy: baıqau taqyrybyna sáıkestígí, muzykalyq deńgeıí men avtordyń kásíbı sheberlígí, shyǵarmashylyq sheshímníń bíregeılígí, muzykalyq ıdeyanyń jańashyldyǵy jáne tyńdarmanǵa emotsıyalyq áserí.
Baıqaudyń jalpy júlde qory – 7,5 mln teńge:
I oryn – 3 000 000 teńge;
II oryn – 2 000 000 teńge;
III oryn – 1 000 000 teńge;
5 yntalandyru syılyǵy – árqaısysy 300 000 teńgeden.
Ótínímder men baıqau materıaldary myna elektrondyq poshta arqyly qabyldanady:
Baıqau turaly tolyq erejemen myna sílteme arqyly tanysuǵa bolady: https://www.gov.kz/memleket/entities/almaty-madeniet/documents/details/1054647?lang=ru