Almatyda alǵys aıtu kúní ár jastaǵy jáne túrlí kózqarastaǵy adamdardyń basyn qosatyn maǵynaly merekege aınalyp kele jatyr, – dep habarlaıdy aqshamnews.kz tílshísí.
Onyń mání, dástúrí men qala tūrǵyndarynyń oǵan qalaı qatysatyny turaly Almaty qalasy QHA jáne Qoǵamdyq keńes múshesí Rustam Qaıryev Óńírlík kommunıkatsıyalar qyzmetínde ótken baspasóz máslıhatynda aıtyp berdí.
Qazaqstanda Alǵys aıtu kúnín jyl saıyn 1 nauryzda atap ótedí. Bıyl būl merekege 10 jyl tolyp otyr. Ol 2016 jyly Qazaqstan halqy Assambleyasy sessıyasynda bekítílíp, bastapqyda kúrdelí tarıhı kezeńderde jer audarylǵan halyqtarǵa kórsetílgen qonaqjaılyq pen qoldauǵa bola qazaq halqyna alǵys bíldíretín erekshe kún retínde qabyldanǵan bolatyn.
«Qazaqstan halqy Assambleyasynyń 2016 jylǵy sol sessıyasy esímde qalyp qoıypty. Būl merekení qūrudy sol kezde ūsynǵan. Men zalda otyrǵanda, būl sheshímníń tereń mání bar ekenín ūqtym. On jyldan soń Alǵys aıtu kúní osylaısha qoǵam ómíríníń mańyzdy bólígíne aınaldy», – deıdí spıker.
Uaqyt óte kele merekeníń maǵynasy keńeıe tústí. Búgínde būl tek tarıhı qoldau úshín ǵana emes, kúndelíktí ómírdegí qarapaıym adamı qamqorlyq, kómek pen íltıpat úshín de alǵys aıtatyn kún bolyp otyr.
«Tek ízgí adam ǵana shynaıy «rahmet» aıta alady. Ata-anaǵa – ómír syılaǵany úshín, ūstazdarǵa – bílím bergení úshín, dárígerlerge – densaulyq úshín, qūtqarushylar men órt sóndírushílerge – qauípsízdígímíz úshín táuekelge barǵany úshín, típtí jaı ǵana jol beríp, esík ashyp bergen beıtanys janǵa da alǵys aıtu kerek. Osyndaı qarapaıym dúnıeler qoǵamdyq kelísímdí nyǵaıtyp, adamdardy meıírímdí ete túsedí», – dep atap óttí spıker.
Onyń aıtuynsha, Alǵys aıtu kúní kúndelíktí ómírdegí sypaıylyq pen ózara qūrmet mádenıetín qaıta jańǵyrtuǵa yqpal etedí.
«Bízde oryn beríp, esík ashyp, kómekteskení úshín beıtanys adamdarǵa alǵys aıtu jaǵy sırep kettí. Keıde qarapaıym sypaıylyqtyń ózí dūrys qabyldanbaı jatady. Bíraq osy merekeníń paıda boluymen alǵys aıtu mádenıetí qaıta jandanyp, qoǵamǵa oń áserín tıgízíp otyr», – dedí ol.
Merekení nasıhattauda jastardyń rólí erekshe. Assambleya jastary jastar qanaty Almatyda jyl saıyn «Alǵys qabyrǵasy» aktsıyasyn ótkízedí.
«Bíz «Alǵys qabyrǵasy» degen jazuy bar úlken aq banner ornatyp, qala tūrǵyndaryna stıkerlerge alǵys sózín jazudy ūsynamyz. Keshke qaraı qabyrǵa tolyp ketedí sondaı sózge. Adamdar ata-anasyna, dárígerlerge, kórshíleríne, típtí beıtanys jandarǵa alǵys aıtady. Onyń artynda qanshama túrlí oqıǵa men emotsıya jatqanyn kóruge bolady», – dedí Rustam Qaıryev.
Alǵashqy jyldary mereke kópshílíkke onsha síńíse qoımaı, ony Tálímdík alǵys aıtu kúnímen shatastyrǵan jaǵdaılar da bolǵan.
«Bíz kóshede saualnama júrgízíp, “Búgín qandaı kún ekenín bílesíz be?” dep sūradyq. 99 paıyzy dūrys jauap beredí. Būl Alǵys aıtu kúní adamdardyń júregíne jetíp, mádenıetímízdíń bír bólígíne aınalǵanyn kórsetedí», – dedí.
Elímízde osy kúní qaıyrymdylyq jáne qoǵamdyq aktsıya, jastar chellendjí, etnomádenı bírlestíkterdíń bastamasy ūıymdastyrylady. Bıyl «Myń alǵys», «Alǵys auktsıony», «Qamqor» sekíldí jobalar júzege asyp jatyr.
«Alǵys aıtu kúní bíz ıgí íster jasauǵa tyrysyp, barshańyzdy soǵan atsalysuǵa shaqyramyz. Dál osyndaı kíshkentaı qadam úlken qoǵamdyq kelísímníń qalyptasuyna túrtkí bolady», – dep túıíndedí Rustam Qaıryev.
