Almatyda áleumettík tūrǵydan osal toptaǵy azamattardyń tūrǵyn úılerín gazdandyru jobasy qarqyndy júzege asyrylyp jatyr. Jobanyń maqsaty – erekshe qoldaudy qajet etetín tūrǵyndardy senímdí árí qauípsíz gazben qamtu. Joba Almaty qalasy ákímdígíníń, «Halyq bank» AQ jáne «Halyq» qaıyrymdylyq qorynyń qoldauymen íske asyrylyp jatyr. Būl jūmys qarqynyn aıtarlyqtaı jedeldetíp, qosylu auqymyn keńeıtuge múmkíndík berdí. Gazdandyru kezeń-kezeńmen júrgízílíp, úı ıesíne tolyqtaı daıyn kúıde beríledí. Áleumettík osal sanatqa jatatyn tūrǵyndar eseptegísh qūraldardy, gaz jabdyǵyn, jylytu radıatorlaryn jáne basqa da qajettí materıaldardy satyp almaıdy, barlyq shyǵyndy qor óteıdí. Kómek alushylardyń tízímín gazǵa qosylu aqysyn óz betínshe tóleuge múmkíndígí joq azamattar arasynan jergílíktí atqarushy organ anyqtaıdy. Búgínde 50 úıde qūrylys-montaj jūmysy ayaqtalyp, sonyń 42-sí gazǵa qosyldy. Tūrǵyndar zamanǵa saı gazben qamtudyń artyqshylyqtaryn paıdalana bastady. Sonymen qatar mamandar ekínshí kezeńníń qamyn jasap, úılerdí aralap, qūjat retteu men jańa ótíníshterdí qarastyrudy qolǵa alǵan.
Almatyda áleumettík tūrǵydan osal tūrǵyndardy gazben qamtu jalǵasyp jatyr
