Áleýmettik jelidegi dinı birlestikterdiń qyzmetine qatysty jarıalanym astyna belgisiz qoldanýshy jarylys jasaý týraly qorqytý sıpatyndaǵy pikir qaldyrǵan, - dep habarlaıdy Aqshamnews.kz.
Atalǵan derek boıynsha "102" púltine habarlama túsip, Almaty qalasy polısıa departamentiniń ekstremızmge qarsy kúres basqarmasy jedel shara qoldandy.
Jedel-izdestirý is-sharalarynyń nátıjesinde pikir avtorynyń jeke basy anyqtaldy. Ol — 21 jastaǵy Almaty qalasynyń turǵyny bolyp shyqty. Er adam ustalyp, polısıa bólimshesine jetkizildi.
- Internetke jazylǵan bolsa da, kez kelgen qorqytý polısıa tarapynan qoǵamdyq qaýipsizdikke naqty qater retinde qaralady. Mundaı "ázilderdiń" saldary aýyr bolýy múmkin. Árbir habarlama muqıat tekserilip, kináliler zań aıasynda jaýapqa tartylady, – dedi Almaty qalasy PD ekstremızmge qarsy kúres basqarmasynyń bastyǵy Asqat Dáýletıarov.
Almaty polısıasy azamattardy áleýmettik jelilerdi qoldanýda jaýapkershilik tanytýǵa, qorqytý nemese quqyqqa qaıshy mazmundaǵy aqparattardy jarıalamaýǵa jáne taratpaýǵa shaqyrady.