«Qazgıdromet» RMK mamandarynyń málímetínshe, 16–20 shílde aralyǵynda Almatyda aua raıy qalyptan tys ystyq bolady.. Keı jerlerde aua temperaturasy +42 gradusqa deıín jetíp, bıylǵy mausymda alǵash ret +40 gradustan asyp, klımattyq normadan edáuír joǵary bolady. Osyǵan baılanysty aua temperaturasynyń kóteríluíne oraı kóshe-jol jelísín kútíp ūstau jáne qalalyq aumaqtardy qosymsha salqyndatu sharalaryn kúsheıtu turaly sheshím qabyldandy, – dep habarlaıdy aqshamnews.kz tílshísí.
Qalanyń Kommunaldyq ınfraqūrylymdy damytu jáne tūrǵyn úı ınspektsıyasy basqarmasy ókílderíníń málímetínshe, osy kezeńde negízgí magıstraldyq kóshelerde jáne adam kóp júretín uchaskelerde jol jabynyn suaryp, auaǵa su búrku (aeratsıya) jūmystaryn júrgízetín 16 arnaıy tehnıka baǵanasy jūmyldyrylady. Jūmystar táulíktíń eń ystyq uaqytynda júrgízílíp, qalanyń 128-den astam kóshesín qamtıdy.
Sonymen qatar, kóshe-jol jelísín kúndelíktí sanıtarlyq kútíp ūstau jūmystary jalǵasady. Qazírgí uaqytta joldy, trotuardy, ayaldama pavılondaryn jáne qalalyq ınfraqūrylymnyń basqa da nysandaryn juuǵa 500-den astam arnaıy tehnıka jūmyldyrylǵan.
Aeratsıya jáne suaru jūmystary jol jabyny mańyndaǵy aua temperaturasyn tómendetuge, shańnyń kóteríluín azaıtuǵa, asfalttyń qyzyp ketuíníń aldyn aluǵa jáne osyndaı aptap ystyq kezínde jol jabynyna túsetín temperaturalyq júktemení tómendetuge múmkíndík beredí.