Almatyda qala ákímí Darhan Satybaldy men Qazaqstan Respublıkasynyń Tótenshe jaǵdaılar mınıstrí Shyńǵys Árínovtíń qatysuymen azamattyq qorǵau júıesíníń bírden ekí mańyzdy nysany – «Shymbulak» tau-shańǵy kurortyna írgeles tauly aumaqta ornalasqan ámbebap qūtqaru bólímshesí jáne qalanyń ískerlík qūrylys aımaǵynda ornalasqan №15 órt sóndíru bólímshesí saltanatty túrde ashyldy, - dep habarlaıdy Aqshamnews.kz.
Bıík tauly aımaqta qūtqaru bólímshesín ashu Memleket basshysy Qasym-Jomart Toqaevtyń tapsyrmalaryn oryndau ayasynda júzege asyryldy. Prezıdent turızmdí damytu barysynda adamdardyń qauípsízdígí árdaıym bírínshí orynda tūruǵa tıís ekenín bírneshe ret atap ótken bolatyn. Ūzaq uaqyttan keıín alǵash ret tauly aumaqta kúrdelí tabıǵı jáne klımattyq jaǵdaıǵa beıímdelgen mamandandyrylǵan bólímshe paıdalanuǵa beríldí.
Almaty 2025 jylǵy eń úzdík turıstík baǵyttardyń bírí retínde zańdy túrde tanylyp otyr. Turıstík aǵynnyń artuy, tau baǵyttarynyń damuy jáne kurorttyq ınfraqūrylymnyń keńeyuí tótenshe jaǵdaılardyń aldyn alu men jedel áreket etu júıesín kúsheıtudí talap etedí. Jańa nysan turıstík aımaqtaǵy qauípsízdík deńgeıín edáuír arttyryp, qūtqaru qyzmetteríníń jetu uaqytyn qysqartuǵa múmkíndík beredí.
Órt sóndíru jáne qūtqaru ınfraqūrylymyn damytu jóníndegí osy júıelí jūmys ayasynda qalada №15 órt sóndíru bólímshesí ashyldy. Bólímshe Almatynyń ortalyq bólígín, onyń íshínde Kóktem-1, Kóktem-2, Kóktem-3, Almagúl, Taugúl shaǵynaudandaryn, sondaı-aq bírqatar írí tūrǵyn úı keshenderín órtten qorǵaudy qamtamasyz etedí. Qyzmet kórsetu aumaǵynda 30 myńnan astam adam tūrady, 120-dan astam kommertsıyalyq nysan jūmys ísteıdí.
Órt sóndíru bólímshesí alty tehnıkaǵa arnalǵan tūraqqa eseptelgen jáne zamanauı tehnıkalarmen, sonyń íshínde avtotsısternalarmen, avtosatylaıtyn baspaldaqpen jáne jedel kólíkpen tolyq jabdyqtalǵan. Bólímsheníń shtattyq sany 52 qyzmetker, būl táulík boıy kezekshílík pen tótenshe jaǵdaılarǵa jedel áreket etudí qamtamasyz etedí.
Nysandy jobalau jáne salu kezínde qyzmet atqaru jaǵdaıyna erekshe kóńíl bólíndí. Ǵımaratta ákímshílík-tūrmystyq blok, avtonomdy ınjenerlík júıeler, qauípsízdík jáne beınebaqylau júıelerí qarastyrylǵan. Jeke qūramdy dayarlau jáne qalpyna keltíru úshín kásíbı zaly, vorkaut-aımaǵy jáne demalys bólmelerí bar oqu-jattyǵu ortalyǵy qūryldy.
Ís-shara barysynda Almaty ákímí órt sóndíru jáne qūtqaru ınfraqūrylymyn damytu qalanyń qauípsízdík salasyndaǵy sayasatynyń mańyzdy bólígí ekenín atap óttí.
«Qala tūrǵyndary men qonaqtarynyń qauípsízdígí – bízdíń sózsíz basymdyǵymyz. Bíz tauly aumaqtarda da, tūrǵyn audandarda da órt sóndíru jáne qūtqaru ınfraqūrylymyn júıelí túrde nyǵaıtyp kelemíz. Kómek árdaıym jaqyn boluy, al áreket etu barynsha jedel boluǵa tıís», – dedí Darhan Satybaldy.
Qazírgí uaqytta Almaty qalasynyń qauípsízdígín órtke qarsy qyzmettíń 20 bólímshesí, sondaı-aq Qūtqaru qyzmetíníń, Respublıkalyq jedel-qūtqaru jasaǵynyń, áskerı bólímníń, Apattar medıtsınasy ortalyǵy fılıaldarynyń jáne «Qazseldenqorǵau» kúshterí qamtamasyz etíp otyr. Sonymen qatar, ákím atap ótkendeı, qalanyń damu qarqynyn eskersek, būl kúshter jetkílíksíz.
Darhan Satybaldynyń aıtuynsha, qoldanystaǵy normatıvterge sáıkes Almatyda kemínde 35 órt sóndíru deposy jūmys ísteuge tıís, jáne qala būl kórsetkíshke kezeń-kezeńímen jaqyndap keledí. Búgínge deıín ekí ámbebap órt sóndíru deposy paıdalanuǵa beríldí, taǵy ekeuí ashyluǵa daıyndalyp jatyr. Osy jyldyń sońynda Nauryzbaı audanynyń Shūǵyla shaǵynaudanynda alty shyǵu baǵytyna arnalǵan órt sóndíru deposynyń qūrylysyn ayaqtau josparlanyp otyr.
Materıaldyq-tehnıkalyq bazany jańartuǵa da erekshe nazar audaryluda. Qazírgí tańda qaladaǵy órt sóndíru bólímsheleríníń jaraǵynda 179 bírlík órt sóndíru avtotehnıkasy bar, jaraqtandyru deńgeıí belgílengen normanyń 95%-yn qūraıdy. 2025 jyly jergílíktí byudjet qarajaty esebínen 33 bírlík órt sóndíru jáne qūtqaru tehnıkasy satyp alyndy, būl ótken jylmen salystyrǵanda aıtarlyqtaı joǵary kórsetkísh.
Ís-shara sońynda qala ákímí órt sóndíru qyzmetí men qūtqaru bólímsheleríníń jeke qūramyna kásíbılígí, erlígí jáne kez kelgen sátte kómekke keluge daıyn ekení úshín alǵys bíldíríp, jańa arnaıy tehnıkanyń kíltterín tabystady. Sondaı-aq qyzmetkerlerge qauípsíz qyzmet pen qalanyń ıgílígí jolyndaǵy tabysty jūmys tíledí.