Almaty qalasy Qoǵamdyq damu ortalyǵynyń qoldauymen jobasy íske asyrylyp jatyr. Būl joba Qazaqstanda otbasy ınstıtutynyń nyǵaıtuǵa baǵyttalǵan mańyzdy áleumettík bastamalardyń bírí sanalady.
Joba ayasynda otbasylyq qūndylyqtardy dárípteuge baǵyttalǵan dıalog alańy ūıymdastyrylady. Onyń maqsaty – qoǵamdaǵy áke beınesíníń mańyzdylyǵyn talqylau, ūl balalardy tárbıeleude ákeníń orny turaly ashyq píkír almasu, tájírıbe bólísu. Ís-sharaǵa qoǵam belsendílerí, otbasylyq medıatorlar, sarapshylar men jas otbasylar qatysty.
"Ata kórgen oq jonar" deıdí, áke joly – degen úlken tárbıe. Odan tárbıe alǵan adamdar esh uaqytta jaman bolmaıdy. Áke men sheshe eshqashan jaman sóz aıtpaıdy. Adam bolsyn, ósíp-ónsín deıdí. Sondyqtan jastardan sūraıtynym – kóp nársege elíktemeı, áke sózíne qūlaq asqan jón", - dedí Qazaqstannyń eńbek síńírgen qaıratkerí, teatr akterí Bauyrjan Qaptaǵaı.
Aıta ketken jón, "Áke joly – ízgí jol" jobasy – otbasy men qoǵamnyń ózara baılanysyn nyǵaıtuǵa, ūlttyq tárbıe men ūrpaqtar sabaqtastyǵyn saqtauǵa baǵyttalǵan mańyzdy qadam. Dıalog alańy arqyly qoǵam nazaryn áke rólíníń mańyzdylyǵyna audaryp, jastardyń boıynda jauapkershílík pen otansúıgíshtík qasıetterín qalyptastyru kózdeldí.
"Tárbıege qatysty 50-ge juyq dıssertatsıya qorǵalǵan. Bíraq tap osynymen júrseń, bala tárbıeleudíń syryn bílesíń degen jauap joq. Telefonǵa tabynǵan zamanda balaǵa 5 mınut kóńíl bóludí qalys qaldyryp bara jatyrmyz. Balamen kúnínen kíshkene bolsa da, kóńíl bólmeu – osynyń dūrys joldan sál bolsa da auytqyp ketuíne áser etedí. Osyǵan nazar salu kerek. Ákeníń aıtqan sózí árdaıym balanyń jadynda qalady", – dedí qauymdastyrylǵan professor, f.ǵ. kandıdaty Erlan Qasen.