Almaty qalasy ákímíníń orynbasary Erjan Babaqūmarov ózíníń sózínde pandemıyaǵa qaramastan, az qamtylǵan jáne kóp balaly otbasylarǵa qoldau kórsetu jūmystary jalǵasuda ekenín aıtty.
26 shíldede onlaın formatta Almaty qalasy ákímíníń orynbasary Erjan Babaqūmarovtyń, QR Prezıdentí janyndaǵy áıelder ísí jáne otbasylyq-demografıyalyq sayasat jóníndegí Ūlttyq komıssıyanyń tóraıymy Lázzat Ramazanovanyń jáne Ūlttyq komıssıya múshesí, QR adam qūqyqtary jóníndegí uákíl Elvıra Azımovanyń áıelder ísí jáne otbasylyq-demografıyalyq sayasat jóníndegí qalalyq komıssıya múshelerímen kezdesuí óttí, dep habarlaıdy Almaty-akshamy.kz
Aǵymdaǵy jyly «Baqytty otbasy» ortalyqtarynda 26 706 ótíním berushíge resurstyq jáne konsultatsıyalyq qoldau kórsetíldí. Jeke tūlǵanyń ósuí, bala tárbıeleu, kóshbasshylyq, otbasylyq qūndylyqtar boıynsha negízgí trenıngterge 2278 adam, bílím beru kurstaryna 3419 adam qatysty. Jyl basynan berí kóp balaly jáne az qamtylǵan otbasylardan shyqqan 176 bala (3-ten 14 jasqa deıín) balalardy ońaltu ortalyqtaryna tegín jíberíldí.
Ómírlík qıyn jaǵdaıǵa tap bolǵan qalalyqtardyń jūmyspen qamtyluyna yqpal etu boıynsha keshendí jūmys júrgízílude. Isker Ana jobasy ayasynda kóp balaly jáne az qamtylǵan otbasylardy jūmyspen qamtu jáne jeke bıznesín damytu úshín 4 sauda orny, 5 tígín jáne kulınar tsehy jūmys jasauda, sonymen qatar Túrksíb audanynda Isker Ana sauda úıí ashyldy. Az qamtylǵan jáne kóp balaly otbasylardan 215 adam jūmysqa ornalastyryldy.
Otyrysqa qoǵamdyq ūıymdardyń ókílderí, Almaty qalasynyń qoǵamdyq keńesíníń múshelerí qatysty. «Daǵdarystyq ortalyqtar odaǵy» ZTB basqarmasynyń tóraıymy Zulfıya Baısakova, «Keńes» QQ-nyń basshysy Maıra Súleeva, «Analardyń qūqyǵyn qorǵau - AQ-ALEM» QQ-nyń Aqmaral Basırova, sondaı-aq Almaty qalasy jergílíktí polıtsıya qyzmetí basqarmasynyń bólím basshysy Dıas Duanbekov otbasylyq ınstıtutty nyǵaıtu jáne tūrmystyq zorlyq-zombylyqtyń aldyn aluǵa baǵyttalǵan óz ūsynystaryn aıtty.