Almatydaǵy turǵyn keshenderiniń birinde áıel adam lıft shahtasyna qulap tústi, dep habarlaıdy aqshamnews.kz
Oqıǵa týraly aqparat áleýmettik jelide jarıalandy. Jergilikti turǵynnyń aıtýynsha, lıft esigi ashylǵanymen, kabına álgi qabatqa áli kelmegen.
Almaty qalasy ákimdiginiń baspasóz qyzmeti agenttik tilshisine bergen túsiniktemesinde, oqıǵa 1 jeltoqsan kúni saǵat 16:34-te «Premera» turǵyn kesheninde bolǵanyn málimdedi.
Saǵat 16:45-te lıft qyzmetkeri áıeldi lıft shahtasynan jedel shyǵaryp alǵan. Elektromehanık kelgennen keıin mamandar lıft jabdyqtaryn muqıat tekserip, shahta men kabına esikteriniń qulyptary durys jumys isteıtinin, esikteri jaramdy ekenin, eshqandaı qosymsha qosylymdardyń joq ekenin, esik ashý mehanızminiń durys ekenin, sondaı-aq kabına men basqarý stansıasynyń platasynda da eshqandaı ruqsatsyz qosylymdar anyqtalmaǵanyn aıtty.
«Osylaısha, lıft shahta esikteri ashyq turǵanda qozǵala almaıdy. Qazir bolǵan oqıǵanyń barlyq mán-jaıy anyqtalyp jatyr», – dep habarlady ákimdik.
Áıelge alǵashqy medısınalyq kómek kórsetilgen, ol aýrýhanaǵa jatýdan bas tartqan.