Bıyl alǵashqy jartyjyldyqta atqarylǵan mańyzdy jūmystardyń bírí sportshylar men jattyqtyrushylarǵa beríletín aı saıynǵy aqshalaı qamsyzdandyru júıesín jetíldíru boldy, – dep habarlaıdy aqshamnews.kz tílshísí. Būl turaly Almaty qalasy Sport basqarmasynyń ókílderí habarlady.
Almatyda sportshylar men jattyqtyrushylardy memlekettík qoldau júıesín keńeıtu boıynsha jūmystar júrgízílíp, aı saıynǵy aqshalaı qamsyzdandyru alushylardyń sany edáuír kóbeıdí.
Qabyldanǵan sharalardyń arqasynda joǵary sporttyq jetístíkterí úshín aı saıynǵy aqshalaı qamsyzdandyru alatyn sportshylardyń qatary aıtarlyqtaı keńeıdí. Būryn mūndaı tólem negízínen eresekter sanatyndaǵy sportshylarǵa ǵana taǵaıyndalsa, búgínde qoldau júıesí jasóspírímder men jastar sanatyndaǵy sportshylardy, sondaı-aq paralımpıadalyq, surdlımpıadalyq jáne komandalyq sport túrleríníń ókílderín de qamtıdy.
Sonyń nátıjesínde aı saıynǵy aqshalaı qamsyzdandyru alatyn sportshylardyń sany 244-ten 925 adamǵa deıín, al jattyqtyrushylardyń sany 28-den 341 adamǵa deıín óstí. Qoldau júıesíníń keńeyuí sportshylar men mamandardyń bírazyn tūraqty memlekettík qoldaumen qamtamasyz etíp, sport rezervín sapaly dayarlauǵa jáne halyqaralyq arenada joǵary nátıjege qol jetkízuge qosymsha múmkíndík beríp otyr.