5 saǵatqa sozylǵan kúrdeli otany kardıohırýrgıa bólimshesiniń meńgerýshisi Rústem Tóleýtaev UMC "Júrek ortalyǵy" №2 kardıohırýrgıa bólimshesiniń meńgerýshisi Svetlana Novıkovamen, sondaı-aq ınstıtýttyń anestezıologtary men kardıohırýrgtary birlesip jasaǵan, dep habarlaıdy aqshamnews.kz
Júrek Almaty oblysy Talǵar qalasynyń turǵyny 43 jastaǵy er adamǵa transplantasıalanǵan. Oǵan Almaty qalasynyń Ortalyq qalalyq aýrýhanasyna túsken 40 jastaǵy er adam donor bolǵan, dárigerler pasıenttiń mı ólimin rastaǵan.
Júrek transplantasıasy jasalaǵan er adam ıshemıalyq kardıomıopatıaǵa, júre paıda bolǵan júrek aqaýyna, mıtraldy qaqpaqsha qyzmetiniń jetkiliksizdigine, 26 paıyz shyǵarylý fraksıasy tómendegen sozylmaly júrek qyzmetiniń jetkiliksizdigine, 2022 jyly ınfarktqa shaldyqqan.
Naýqasta azdaǵan dene qımyly kezinde entigý, júrektiń durys jumys istemeýi, jalpy álsizdik, bas aınalý shaǵymdary bolǵan.
Transplantasıadan buryn oǵan birneshe ret stent qoıylǵan, kardıoverter-defıbrıllátor ımplantasıalanǵan. Bıyl qańtarda UMC mamandary LVAD ımplantasıalaýdy usynǵan, biraq naýqas bas tartqan.
Osy jyldyń basynda er adam Kardıologıa jáne ishki aýrýlar ǵylymı-zertteý ınstıtýtynda emdelgen kezde klınıka mamandary júrek transplantasıasyn kútý tizimine engizý qajettiligin túsindirip, pasıent kútý kezegine turǵan.
Ota sátti ótip, pasıent reanımasıadan bólimshege aýystyrylǵan. Qazirgi ýaqytta jaǵdaıy turaqty, oń dınamıka bar deıdi dárigerler.