Jyldyń sońǵy keshinde Almaty jarqyn merekelik atmosferaǵa bólenedi.
31 jeltoqsan kúni saǵat 18:00-den 00:30-ǵa deıin Astana alańynda qaladaǵy basty jańa jyldyq konsert ótip, megapolıs turǵyndary men qonaqtaryn bir shańyraq astyna jınaıdy, - dep habarlaıdy Aqshamnews.kz.
Sahnada otandyq estradanyń juldyzdary, kópshilikke súıikti oryndaýshylar men tanymal toptar óner kórsetedi. Olardyń qatarynda Makpal Isabekova, Alısher Karımov, Aqylbek Jemeneı, Beıbit Qorǵan, Ringo, Ninety One, Ayree, Astra, Dakelot, Daýlet Janbolat, Jubanysh Jensenuly, Dıana Ismaıl, Baqyt Shadaeva, Abaı Begeı, Tahmına Áshimbekova, Muzart Life, İnjý Ánýarbek, Ábik Jeksen, Asqat Tarǵyn, Dálel Ýashev, Maqsat Bazarbaev, Dáýren Baıbóri jáne basqa da ónerpazdar bar.
Merekeniń sharyqtaý shegi dástúr boıynsha saltanatty jańa jyldyq otshashý bolmaq. Aıta ketsek, jańa jyldyq feıerverk demeýshilik qarajat esebinen uıymdastyrylady, ári barlyq qaýipsizdik sharalary qatań saqtalady.
Jańa jyldy Almatynyń qaq ortasynda — áýenge, jarqyraǵan shamdarǵa jáne umytylmas áserlerge toly kúıde qarsy alyńyz!