Almatyda kún jylyp, qūrylys mausymy bastalysymen jol qozǵalysy qauípsízdígín qamtamasyz etu ayasynda jol tańbalaryn jańartu jūmystary qolǵa alyndy, – dep habarlaıdy aqshamnews.kz tílshísí.
Būl turaly Jol qozǵalysyn ūıymdastyru jáne jolaushylar kólígí basqarmasynyń ókílderí habarlady.
Bıyl qala boıynsha 2 myńnan astam júrgínshí ótkelín jańartu josparlanyp otyr. Būl olardyń kórínuín arttyryp, jol-kólík oqıǵalarynyń aldyn aluǵa múmkíndík beredí.
Sonymen qatar kólík legín retteude, qozǵalysty júıeleude jáne jolda qozǵalys tıímdílígín arttyruda mańyzdy ról atqaratyn boılyq jol tańbalaryn syzu jūmystary qatar júrgízílíp jatyr.
Jalpy jūmys kólemí kemínde 300 myń sharshy metr jol tańbasyn qamtıdy. Tańbalar negízínen túngí uaqytta syzylady. Būl kólík qozǵalysyna túsetín júktemení azaıtyp, jūmysty jedel árí tıímdí oryndauǵa jaǵdaı jasaıdy.
Jūmystar kezeń-kezeńímen, basym uchaskelerdí, kólík qozǵalysynyń qarqynyn jáne tūrǵyndardyń ótíníshín eskere otyryp júrgízíledí.