Almatyda jazǵy demalys pen sauyqtyru baǵdarlamasymen 294 myń bala qamtylady, – dep habarlaıdy aqshamnews.kz tílshísí.
Būl 1–10 synyptarda oqıtyn oqushylardyń jalpy sanynyń 98,7%-y. Būl turaly Óńírlík kommunıkatsıyalar qyzmetínde ótken brıfıngte Almaty qalasy Bílím basqarmasynyń basshysy Sáken Aralbaev málímdedí.
«Áleumettík osal sanattaǵy balalardyń, jetím balalar men erekshe bílím beru qajettílígí bar balalardyń demalysyn ūıymdastyru úshín jergílíktí byudjetten 527 mıllıon teńge bólíndí», – deıdí Sáken Aralbaev.
Qala syrtyndaǵy demalysty ūıymdastyruǵa da kóp kóńíl bólíndí. Byudjet esebínen áleumettík osal otbasylardan shyqqan 2 537 bala sauyqtyru lagerínde demalady.
Sonymen qatar, erekshe bílím beru qajettílígí bar 200 bala men ata-anasynyń qamqorlyǵynsyz qalǵan 1 000 bala jazǵy demalysyn memlekettík «Órnek» lagerínde ótkízedí. Būdan bólek, pándík jáne IT olımpıadalardyń 200-den astam jeńímpazy «Baldauren» ortalyǵyna joldama alady.
1–12 mausym aralyǵynda Almatyda 207 mektep janyndaǵy lager jūmys ístep, olarda 190 myń bala qamtyldy. 42 myń oqushyǵa ystyq tamaq ūıymdastyryldy.
«Bıyl alǵash ret mektep janyndaǵy lagerlerde erekshe bílím beruge mūqtaj balalarǵa erekshe nazar audaryldy. Myńnan astam bala úshín súıemeldeu men bos uaqytty ūıymdastyru baǵdarlamasy ázírlendí», – dep atap óttí spıker.
Jazǵy kezeńde demalyspen qatar auqymdy kásíptík baǵdar beru men shyǵarmashylyq jūmystar da ūıymdastyryldy. Oqushylar saraıy, óner mektepterí men qosymsha bílím beru ūıymdarynyń bazasynda túrlí baǵdarlamamen 80 myńnan astam bala qamtyldy.
Sondaı-aq 600-ge juyq oqushy qalanyń 18 kolledjíníń bazasynda ártúrlí mamandyqpen tanysty. «Taza Qazaqstan, jasyl sabaqtar» jobasy ayasynda 20 myńǵa juyq oqushy men student qatysqan 100 ís-shara ūıymdastyryldy.
Būdan bólek, «Kanıkulda kítap oqımyz» oqu mádenıetín damytu jobasy ayasynda qosymsha bílím berudíń 20 ortalyǵynda arnauly WORKSPACE ALMATY aımaqtary jūmysyn bastady.