Pekınge baratyn sportshylar esimi jarıalandy
Óńirlik komýnıkasıalar qyzmetiniń brıfıńinde Almaty qalalyq sport basqarmasynyń basshysy Rústem Baıseıitov lısenzıa alǵan sportshylardyń esimin jarıalady, dep habarlaıdy Almaty-akshamy.kz.
R. Baıseıitov Almaty qalasynyń shtatty komandasynda 117 sportshy bar ekenin aıtty.
«Búginde Almaty qalasynyń qurama komandalary – kúrdeli respýblıkalyq jarystardyń, Qazaqstan halyqtarynyń spartakıadasynyń, 2021 jylǵy jazǵy jasóspirimder oıyndarynyń jasóspirimder arasyndaǵy qysqy oıyndarynyń chempıony», - dedi sport basqarmasynyń basshysy.
R. Baıseıitov Pekınde ótetin XXIV Qysqy Olımpıada oıyndaryna daıyndyq qyzý júrip jatqanyn basa aıtty.
«Almatylyq sportshylar skandınavıalyq kombınasıa men frıstaıl akrobatıkadan 5 lısenzıany jeńip aldy. Bul tizimge Shyńǵys Rakparov, Janbota Aldabergenova, Aqmarjan Qalmýrzaeva kiredi. Taǵy 8 lısenzıa kónkımen júgirý, shańǵy tramplıni, áıelder hokeıi, mánerlep syrǵanaý jáne taý shańǵysy boıynsha josparlanǵan», - dedi R. Baıseıitov.