Almatyda 2021-2025 jyldar aralyǵynda 708 eskí úıdí súríp, jańasyn salu josparlanyp otyr.
Almatyda 2021–2025 jyldarǵa arnalǵan tūrǵyn úı qoryn jańartu baǵdarlamasy ayasynda eskí úılerdí súru, tūrǵyndardy kóshíru máselesíníń qalaı júzege asatyny belgílí boldy, dep habarlady Almaty-akshamy.kz.
«Almaty» ÁKK AQ basqarma tóraǵasy Asqar Bílísbekovtíń aıtuynsha, eskí úıler súrílíp, olardyń ornyna kópqabatty jańa úıler salynady.
Tūrǵyndar uaqytsha baspanaǵa kóshírílíp, qūrylys ayaqtalǵannan keıín olar 7–10 sharshy metrge artyq jańa páter alady. Al qalǵan páterlerdí ınvestorlardyń satuyna bolady.
Almatyda 2021-2025 jyldar aralyǵynda 708 eskí úıdí súríp, jańasyn salu josparlanyp otyr. Būǵan qosa, bolashaqta taǵy 709 eskí úıdí súru kezekte tūr. Asqar Bílísbekovtíń aıtuynsha, Almatyda eskí úılerdíń shoǵyrlanuy aıtarlyqtaı joǵary. Eń mańyzdy núkteler retínde 1930–1975 jyldar aralyǵynda salynǵan 1427 úı tańdalyp alynǵan. Dál qazír júrgízíletín jūmystar ekí kezeńge bólíníp otyr.
Búgínde 708 eskí úıdí súríp, jańasyn salu josparlanǵan. Olardyń 458-í jeke ınvestıtsıyalar esebínen, 280-í boıynsha jūmystar júrgízílíp jatyr. Sondaı-aq, byudjettík qaryz esebínen 250 úı jańartylady.
Jalpy, eskí úılerdí súru jáne auystyru barlyq tūrǵyn 100 paıyz kelísím bergende ǵana júzege asady. Óz kezegínde «Almaty» ÁKK AQ basshysy Asqar Bílísbekov Almaty tūrǵyndaryn osy máselelerdí belsendí talqylauǵa shaqyrdy. Tūrǵyndardy májbúrlep úılerdí būzbaıtynyn da eskerte kele, 10 adamnyń bíreuí baǵdarlamadan bas tartsa, úıdíń súrílmeıtínín aıtty.