Almatyda 14-15 shíldede jylu jelíleríne gıdravlıkalyq synaq júrgízíledí, – dep habarlaıdy aqshamnews.kz tílshísí.
2026 jyly 14 shíldede Almaly jáne Jetísu audandarynyń aumaǵynda Raıymbek dańǵyly - Brodskıı kóshesí - Rysqūlov dańǵyly - Seıfullın dańǵyly aumaǵynda jylu jelíleríne gıdravlıkalyq synaq júrgízíledí. Būl turaly «Almaty jylu jelílerí» JShS ókílderí habarlady.
Sondaı-aq, 2026 jyly 15 shíldede synaqtar Alatau jáne Jetísu audandarynyń aumaǵynda Yablochkov - Azovskaya - Rysqūlov - Seríkov - Ratushnyı - Angarskaya - Úlken Almaty kanaly boıymen - Momyshūly - Aqqaınar kentí - Móńke bı - Boraldaı kóshelerí aumaǵynda ótedí.
Magıstraldyq jáne taratu qūbyrlaryn tekseru kezínde, tańǵy saǵat 04:00-den 07:00-ge deıín qala tūrǵyndary men megapolıs qonaqtaryna qauípsízdík sharalaryn saqtau ūsynylady.
Qabyldanyp jatqan qauípsízdík sharalaryna qaramastan, sudyń jer betíne shyǵuy, jol jabynynyń íshínara būzyluy syndy shtattan tys jaǵdaılar boluy múmkín.
Mūndaı jaǵdaıda eshqandaı óz betínshe áreket jasamańyz, oqıǵa ornynan dereu ketíp, būl turaly «Almaty jylu jelílerí» JShS-ne myna telefondar arqyly habarlańyz: 351-27-62 (tíkeleı nómír), baılanys ortalyǵy: 341-07-00 nemese 341-07-77 (qosymsha 1011 nemese 1014), sondaı-aq 109 nómírí boıynsha.
Atalǵan aumaqtarda tūratyn tūtynushylar úshín ystyq sumen jabdyqtau tolyq saqtalady.
Gıdravlıkalyq synaqtar jylu jelíleríníń, olardyń jabdyqtarynyń jaı-kúıín tekseru jáne aldaǵy jylytu mausymyna qalanyń jylu sharuashylyǵyn daıyndau ayasynda qūbyrlardyń kúrdelí uchaskelerín anyqtau úshín júrgízíledí. Uaqytsha qolaısyzdyqqa túsínístíkpen qaraudy sūraımyz!