Almaty ákímí Darhan Satybaldy Nauryzbaı audany tūrǵyndaryn sapaly auyz sumen qamtamasyz etu maqsatynda salynǵan Aqsaı ózeníndegí súzgí stantsıyasy bar jańa su tartu nysanynyń saltanatty íske qosylu rásímíne qatysty, – dep habarlaıdy aqshamnews.kz tílshísí.
Qalanyń Energetıka jáne sumen jabdyqtau basqarmasy ókílderíníń málímetínshe, jańa nysan qalanyń ınjenerlík ınfraqūrylymyn damytuǵa baǵyttalǵan negízgí jobalardyń bírí. Ol qarqyndy damyp kele jatqan tūrǵyn alaptardy sumen jabdyqtau júıesíníń senímdílígín edáuír arttyruǵa múmkíndík beredí. Nysannyń táulíktík ónímdílígí – 22 myń tekshe metr su.
Joba ayasynda su tartu qūrylysy men zamanauı su daıyndau keshení salyndy. Nysannyń jelílík bólígíníń jalpy ūzyndyǵy 7 shaqyrym bolsa, onyń 5,9 shaqyrymy magıstraldyq su qūbyryna tıesílí. Sonymen qatar avtokólík kópírlerí, sel ótkízgísh qūrylystar, akvedukter, tíreu qabyrǵalary men kírme joldar boı kóteríp, jol belgílerí men qorǵanys qorshaulary ornatyldy.
Stantsıyada sudy tazartudyń tolyq zamanauı tsıklí engízílgen. Mūnda radıaldy tūndyrǵyshtar, qūıyndy aralastyrǵyshtar, kvarts qūmy qoldanylatyn jedel súzgíler, elektrolız jáne reagenttík bloktar, sondaı-aq sudy zalalsyzdandyru jáne susyzdandyru júıelerí salyndy. Tazartylǵan sudy saqtau úshín jalpy syıymdylyǵy 10 myń tekshe metr bolatyn ekí rezervuar qarastyrylǵan.
Barlyq tehnologıyalyq úderís tolyq avtomattandyrylǵan. Basqaru bíryńǵaı dıspetcherlík ortalyq arqyly júzege asyrylady. Būl ortalyq ózennen su aludan bastap, ony tazartu jáne tūtynushylarǵa jetkízuge deıíngí barlyq kezeńdí táulík boıy úzdíksíz baqylap otyrady. Sondaı-aq mūnda zamanauı monıtorıng júıelerí, su shyǵynyn baqylau qūraldary jáne beınebaqylau keshení ornatylǵan.
Jobany júzege asyru nátıjesínde Almaty qalasynyń Nauryzbaı audanyndaǵy Taujoly, Tastybūlaq, Tausamaly, Aqjar jáne Shūǵyla shaǵynaudandarynyń, sondaı-aq Qarasaı audanyndaǵy Jańatūrmys jáne Qyrǵauyldy auyldarynyń tūrǵyndary tūraqty árí sapaly auyz sumen qamtamasyz etíledí. Jalpy qamtylatyn halyq sany 100 myńnan asady.
Jańa stantsıyanyń paıdalanuǵa beríluí Almaty qalasynyń sumen jabdyqtau júıesín jańǵyrtudaǵy mańyzdy qadam sanalady. Būl joba auyz sudy úzdíksíz árí senímdí jetkízudí qamtamasyz etíp qana qoımaı, qalanyń odan árí damuyna qajettí ınjenerlík áleuettí kúsheıtíp, tūrǵyndardyń ómír súru sapasyn arttyruǵa yqpal etedí.