Almatyda qalalyq ortanyń sapasyn arttyruǵa jáne ekologıyalyq mádenıettí damytuǵa baǵyttalǵan "Taza Qazaqstan" baǵdarlamasynyń júzege asyryluyna arnalǵan keńes óttí. Baǵdarlama ayasynda ekologıyalyq bílím berudí júıelí júrgízu, mektep oqushylaryn, jastar ūıymdaryn jáne belsendí tūrǵyndardy tartu, sondaı-aq qalanyń sanıtarlyq jaǵdaıyn kúndelíktí qamtamasyz etu jūmystary júzege asyrylyp keledí.
Basty baǵyttardyń bírí - kógaldandyru. Kóktemde qalada shamamen 2 myń írí kólemdí aǵash, 19 myńnan astam kóshet jáne 10 myńnan asa būta egíldí. Kúzde jūmys jalǵasyn tauyp, 3 myń írí aǵash, 18 myńnan astam kóshet jáne shamamen 360 myń būta egíldí. Būl sharalar ekologıyalyq jaǵdaıdy jaqsartuǵa jáne jaıly qala ortasyn qalyptastyruǵa baǵyttalǵan.
Baǵdarlamanyń mańyzdy qūramdas bólígí - reıdtík ís-sharalar. Jyl basynan berí 6,2 myńnan asa hattama toltyrylyp, 5,5 myńnan astam aıyppūl salyndy, aıyppūldyń jalpy somasy 518 mln teńgeden asty. Rūqsatsyz saudany joyu, zańsyz nysandardy būzu, sondaı-aq avtokólík pen avtobus shyǵaryndylarynyń uyttylyǵyn baqylau júrgízílíp otyr.
"Taza Qazaqstan" baǵdarlamasynyń oryndaluy tūraqty baqylauda. Qabyldanǵan sharalardyń tıímdílígí únemí baǵalanyp, qajet bolǵan jaǵdaıda túzetíledí. Negízgí maqsat - tūrǵyndar naqty ózgerístí sezínetín, taza, jaıly árí ekologıyalyq qalaǵa aınaldyru.