Almatyda Qytaı Halyq Respublıkasynyń Shenchjen qalasy munıtsıpalıtetíníń delegatsıyasy men Shenzhen Urban Transportation Planning Center Co., Ltd. (SUTPC) kompanıyasynyń ókílderímen kezdesu óttí. Basqosuǵa Almaty qalasyn damytu ortalyǵynyń mamandary, Tsıfrlandyru basqarmasy jáne qala ákímdígíníń jobalyq ofısíníń ókílderí qatysty.
Kezdesudíń negízgí taqyryby – tsıfrlandyru jáne ornyqty damu salasyndaǵy yntymaqtastyq, onyń íshínde «Almatynyń tsıfrlyq egízí» jobasyn íske asyru. Osyǵan oraı Almaty qalasynyń Tsıfrlandyru basqarmasy men SUTPC kompanıyasynyń arasynda pılottyq jobany íske qosu jóníndegí bírlesken deklaratsıyaǵa qol qoıylyp, naqty jūmys bastalatyny rastaldy.
«Josparlarymyz qalanyń ınfraqūrylymy, ekologıyasy men úderísíníń dınamıkalyq tsıfrlyq úlgísín qūruǵa baǵyttalǵan. Almaty bírlesken ınnovatsıyalar úshín ashyq alań boluǵa daıyn», – dedí Almaty qalasy Tsıfrlandyru basqarmasynyń ókílí Aryn Amantaı.
Qytaı tarapynan Almatyǵa SUTPC ókílderímen qatar Shenchjen qalasy ákímdígíníń Qalalyq damu jáne reformalar komıssıyasy tóraǵasynyń orynbasary Zhu Yun, Innovatsıyalyq qūrylys departamentíníń dırektory Li Fangli, Negízgí jobalardy úılestíru departamentíníń dırektory Zou Wei, Azamattyq sektor reformalary ofısí basshysynyń orynbasary Qiu Zhi jáne Halyqaralyq baılanystar ofısíníń hatshysy Wan Hanxu keldí.
Kezdesu barysynda Almatynyń tsıfrlandyru, kólík jáne ınnovatsıyalyq salalaryndaǵy negízgí jobalary tanystyryldy. Taraptar kelíssóz qorytyndysy boıynsha yntymaqtastyqty jalǵastyru, delegatsıyalarmen ózara almasu jáne Almatydaǵy basym ınvestıtsıyalyq jobalar jónínde materıaldar daıyndau turaly uaǵdalasty.
«Bíz Almatymen seríktestíktí joǵary baǵalaımyz. Tsıfrlyq tehnologıyalar men kólík josparlau salasyndaǵy tájírıbemíz tabysty áríptestíktíń berík negízíne aınalaryna senímíz», – dedí Shenzhen Urban Transportation Planning Center Co., Ltd. (SUTPC) kompanıyasynyń ókílí Yan Shuaı.
Aıta keteıík, Shenchjen – álemdegí joǵary ınnovatsıyalyq qalalardyń bírí árí Qytaı ekonomıkasynyń jetekshí ortalyǵy. Ol ónerkásíptík óndírís kólemí boıynsha eldegí ekínshí orynda, al eksport kólemí boıynsha bírínshí orynda tūr. 2025 jyldyń alǵashqy jartyjyldyǵynda eksport kólemí 1,31 trıllıon yuannan asty. Sondaı-aq mūnda Huawei, ZTE, BYD Auto sıyaqty álemdík alpauyt kompanıyalardyń shtab-páterlerí ornalasqan.