Almaty qalasy boıynsha sońǵy 5 táulík íshínde 110 jaǵdaıdan táulígíne 217 jaǵdaıǵa deıín óstí.
Sanıtarlyq-epıdemıologıyalyq baqylau departamentíníń aqparaty boıynsha, Almaty qalasyndaǵy jalpy respublıka boıynsha mutatsıyalanǵan shtamdardyń taraluyna baılanysty kúrdelí epıdemıologıyalyq jaǵdaı qalyptasyp otyr, dep habarlaıdy Almaty-akshamy.kz.
Osy jyldyń 26 mausymynda koronavırustyq ınfektsıya auruy boıynsha epıdemıologıyalyq jaǵdaıdy baǵalau matrıtsasyna sáıkes, 4 óńír "qyzyl" aımaqqa kírdí. Olar - Atyrau, Qaraǵandy, Batys Qazaqstan oblystary men Almaty qalasy.
Sońǵy ekí aptada betperde men qashyqtyq rejımderdíń saqtalmauy, halyqtyń vaktsınaǵa qarsylyǵy saldarynan R sanynyń (jūqtyru kórsetkíshí) 0,7-den 1,197-ge deıín ósuí baıqaldy. Osy jaǵdaıǵa baılanysty Almaty qalasynyń Bas memlekettík dárígeríníń shekteu ís-sharalaryn kúsheıtu turaly qaulysy daıyndaldy.
COVID-19 auruynyń joǵarylauy jańa "Delta" shtamynyń paıda boluyna, ınfektsıyanyń joǵary deńgeıíne árí tez taraluyna baılanysty.
20 mausymnan bastap zertteuge jetkízílgen 133 synamanyń 125-sí anyqtaldy. Mysaly, 77 synamada (62%) - brıtandyq shtamm, 45-te (36%) úndí shtammy, būl rette 44 jaǵdaıda sońǵy úsh táulík íshínde, 2-uínde ońtústíkafrıkalyq, 1-uínde nyu-ıorktyq.
Osyǵan baılanysty, qala tūrǵyndaryna betperde rejımín, áleumettík qashyqtyqty qatań saqtau, halyq kóp jınalatyn oryndar men būqaralyq ís-sharalarǵa barudan bas tartu, sondaı-aq COVID-19-ǵa qarsy vaktsınadan ótu qajettílígí turaly taǵy da eskertemíz.