Almaty qalasy máslıhatynyń deputattary Ūlttyq ūlannyń qyzmetímen tanysty, – dep habarlaıdy aqshamnews.kz tílshísí.
Almaty qalasy máslıhatynyń deputattary Ūlttyq ūlannyń «Ońtústík» óńírlík qolbasshylyǵy men 5571 áskerı bólímíne jūmys saparymen keldí.
Halyq qalaulylaryn «Ońtústík» óńírlík qolbasshylyqtyń qolbasshysy general-maıor Sákentaı Shekarbekov qarsy alyp, áskerı bólímníń tynys-tírshílígímen tanystyrdy.
Sapar barysynda general-maıor Sákentaı Shekarbekov áskerı bólímníń materıaldyq-tehnıkalyq bazasy, áleumettík ınfraqūrylymy, áskerı qyzmetshílerdíń tūrmys jaǵdaıy, sondaı-aq júrgízílíp jatqan qūrylys jáne jańǵyrtu jūmystary turaly bayandap, aldaǵy kezeńge josparlanǵan negízgí míndetterge toqtaldy.
Odan keıín deputattar kazarmalyq qordy, ashanany, áleumettík-tūrmystyq nysandardy, materıaldyq-tehnıkalyq bazany jáne salynyp jatqan qūrylys nysandaryn aralap kórdí. Halyq qalaulylary qūrylys jūmystarynyń sapasy men nysandardyń paıdalanuǵa daıyndyǵyna erekshe nazar audardy.
Kezdesu barysynda áskerı qyzmetshílerdíń qyzmet ótkeruí men áleumettík-tūrmystyq jaǵdaılaryn odan árí jaqsartu máselelerí jan-jaqty talqylandy.
Sapar qorytyndysy boıynsha ınjenerlík júıelerdí tolyq íske qosu, sondaı-aq kazarmalyq úı-jaılar men sanıtarlyq-tūrmystyq toraptardy belgílengen talaptarǵa tolyq sáıkestendíru baǵytynda naqty míndetter aıqyndaldy.