Almatyda qalalyq máslıhat depýtattary turǵyndarmen eseptik kezdesýlerdi turaqty túrde ótkizip keledi. Mundaı kezdesýler ashyq formatta túrli qoǵamdyq alańdarda ótedi: medısına mekemelerinde, áleýmettik baǵyttaǵy uıymdarda, kólik qurylymdarynda jáne aýdandyq ortalyqtarda. Negizgi maqsat – ashyq dıalog ornatý, atqarylǵan jumystardy saralap, ózekti máseleler boıynsha ortaq sheshim tabý.
⠀
Ekinshi toqsanda depýtattar saılaýshylar aldynda atqarylǵan jumystary jáne negizgi nátıjeler jóninde esep berdi. Kezdesýlerde «AMANAT» partıasynyń saılaýaldy baǵdarlamasynyń Almaty qalasy boıynsha bes basym baǵyttaǵy iske asý barysy tanystyryldy: ekonomıka, ınfraqurylym, bilim men densaýlyq saqtaý salasyn damytý, qaýipsiz qala ortasyn qalyptastyrý, mádenıet pen jastar saıasatyn qoldaý.
Máselen, depýtat Elena Tó Medeý aýdanynyń PMSP ortalyǵy bazasynda kezdesý ótkizip, turǵyndarmen Kók-Jaılaý qurylysy, sport seksıalarynyń qoljetimdiligi, PIK jumysy jáne «Shymbulaq» taý-shańǵy kýrortynyń shamadan tys júktemesi máselelerin talqylady.
Depýtat Dıana Erlan da atqarǵan jumystarynyń qorytyndysyn tanystyrsa, Aıgúl Shalbaeva Ortalyq qalalyq klınıkalyq aýrýhanada ótken kezdesýde júzege asyrylyp jatqan bastamalar men basymdyqtar týraly egjeı-tegjeıli aıtty.
Almaty kólik holdıńinde ótken kezdesýde depýtat Sadır Hamraev qalalyq ınfraqurylymdy damytý, kólik úlgisin jańartý, áleýmettik nysandar salý jáne 2025–2027 jyldarǵa arnalǵan búdjet ózgeristeri jóninde baıandama jasady.
Krıstına Bekmýrzaeva óziniń eseptik kezdesýin Belsendi uzaq ómir súrý ortalyǵynda ótkizip, ekinshi toqsanda joldanǵan depýtattyq saýaldar týraly aıtyp berdi. Birqatar máseleler boıynsha oń nátıjelerge qol jetkizilgen. Onda balalar úıleriniń túlekterin jumysqa ornalastyrýdan, múmkindigi shekteýli toptarǵa jeńildikter men qyzmetter alýdan bastap kóliktik qoljetimdilikti jaqsartýǵa, aýlalardy abattandyrýǵa jáne jeke turmystyq jaǵdaılardy sheshýge járdemdesýge deıingi áleýmettik máselelerdiń keń aýqymy qozǵaldy. Birqatar ótinishter boıynsha oń nátıjeler bar. Sonymen qatar, azamattardy qabyldaýǵa jáne memlekettik organdarmen tyǵyz baılanys ornatýǵa erekshe kóńil bólinýde.
Depýtat Qarashash Júzeeva óz esebinde birinshi jartyjyldyqta 40-qa jýyq depýtattyq saýal joldanǵanyn atap ótti. Nátıjesinde jaryqtandyrý qalpyna keltirilip, shuńqyrly joldar jóndelip, qańǵybas janýarlar ustalyp, aǵashtar zıankesterge qarsy óńdelgen. Keıbir jaǵdaılarda ataýly qaıyrymdylyq kómegi de kórsetildi.