Almaty qalalyq kardıologıalyq ortalyǵynda erekshe operasıa jasaldy: kardıohırýrgtar jas áıeldiń ómirine qaýip tóndirgen mıksomany — sırek kezdesetin qatersiz isikti — sátti alyp tastady.
Pasıent ortalyqqa entigý men aýa jetispeýshiligine shaǵymdanyp tústi. Ehokardıografıa nátıjesinde sol jaq júrekshede kólemi 6×4 sm bolatyn mıksoma anyqtalǵan - mundaı isikti dári-dármekpen emdeý múmkin emes, shuǵyl operasıa jasaý qajet boldy.
Hırýrgıalyq aralasý sátti ótti. İsik tolyq alynyp, júrekishilik qanaınalym qalpyna keltirildi. Kelesi kúni pasıent eshqandaı sımptomdarsyz júre bastady, al kóp uzamaı úıine shyǵaryldy.
«Mundaı jaǵdaılar der kezindegi dıagnostıka men bilikti medısınalyq kómektiń qanshalyqty mańyzdy ekenin eskertedi. Jas áıel tolyqqandy ómir súrý úshin ekinshi múmkindikke ıe boldy — bul biz úshin zor marapat», — dep atap ótti ortalyq dárigerleri.