Olardy polısıa saqshylary avtobýsqa otyrǵyzǵan, avtobýs Ózbekstan Respýblıkasynyń shekarasyna deıin barady.
Almatyda zańsyz júrgen Ózbekstan azamattary óz eline qaıtaryldy, dep habarlaıdy Almaty-akshamy.kz.
İshki ister mınıstrliginiń resmı saıtyndaǵy derek boıynsha, 5-12 shilde aralyǵynda qala aýmaǵynda «Nelegal» jedel aldyn alý is-sharasy ótkizilýde. İs-sharanyń maqsaty – qoǵamdyq tártipti saqtaý, sheteldik azamattardyń Qazaqstan Respýblıkasynda bolý erejelerin buzýyn anyqtaý, sondaı-aq, zańsyz kóshi-qon arnalaryn, sheteldikterdi zańsyz jumyspen qamtý faktilerin anyqtaý.
«QR Konsýldyǵy jáne polısıa departamentiniń kúshimen ustalǵan azamattar avtobýsqa otyrǵyzyldy, olar Ózbekstan Respýblıkasynyń shekarasyna deıin barady. Barlyq elden shyǵarylǵandarǵa Konsýldyqtan óz elderine oralý týraly kýálikter berildi. Shyǵarylǵandardyń arasynda birneshe jyl buryn sot sheshimimen úıine qaıtý kerek bolǵan, biraq belgili bir sebeptermen qaıta almaǵan, qarajaty men qujattary joq azamattar da bar. Sondyqtan, Ózbekstan Konsýldyǵy olardy qujattandyryp, jeke basyn kýálandyratyn qujattaryn berdi», – dedi Almaty qalalyq PD kóshi-qon qyzmeti basqarmasynyń bastyǵy Asqat Býtýnchınov.