Jigittiń qolynda belgisiz suıyqtyǵy bar eki shprıs bolǵan jáne ol ony polıseıge salyp, ózi sekirip ketemin dep qorqytqan.
Almatylyq polıseıler ózine-ózi qol salmaq bolǵan jigitti qutqaryp qaldy, dep habarlaıdy Almaty-akshamy.kz Polisia.kz saıtyna silteme jasap.
Almaty qalasy Medeý aýdandyq polısıasy jedel basqarý ortalyǵynyń kezekshi bólimine bıik ǵımarattyń 16-qabatynda, balkonnyń qorshaýynda bir jigittiń otyrǵandyǵy týraly qońyraý kelip túsedi.
Oqıǵa ornyna kelgen ýchaskelik ınspektorlar Aıdarbek Marat pen Dýman Orazalıev balkonǵa aparatyn esiktiń jabyq ekenin kóredi. Soǵan qaramastan, olar balkonǵa kirip, jigitpen sóılesip, ony mundaı qadamǵa barmaýǵa kóndirdi. Aıdarbek jigitti áńgimege tartyp, kóńilin aýlaı bastady. Sol sátte Dýman jigitke jaqyndaýǵa tyrysty. Polısıa qyzmetkerleri áńgime barysynda er adamdy ustap, qaýipsiz jerge aparady. Dárigerler jigitke alǵashqy kómek kórsetti. Sodan keıin ony tártip saqshylary polısıa basqarmasyna jetkizdi.