Almaty oqushylary respublıkalyq olımpıadada bírínshí oryn ıelendí, – dep habarlaıdy aqshamnews.kz tílshísí.
2026 jyly 19-22 mamyr aralyǵynda Astanada 7-8-synyp oqushylary arasynda jalpy bílím beretín pánder boıynsha respublıkalyq olımpıada óttí.
Auqymdy zıyatkerlík dodaǵa Qazaqstannyń barlyq óńírínen 547 oqushy qatysty. Olardyń qatarynda Almatynyń namysyn qorǵaǵan 25 oqushy joǵary nátıje kórsetíp, olımpıadanyń jeńímpazdary men júldegerlerí atandy.
Olımpıada qorytyndysy boıynsha Almaty komandasy «Úzdík olımpıadalyq komanda – 2026» nomınatsıyasynda I oryn ıelendí.
Jarys nátıjesínde almatylyq oqushylar tómendegídeı kórsetkíshke qol jetkízdí:
Í oryn — 3 oqushy;
ÍÍ oryn — 2 oqushy;
ÍÍÍ oryn — 8 oqushy.
Jeńímpazdar men júldegerler I, II jáne III dárejelí dıplomdarmen, sondaı-aq yntalandyru syılyqtarymen marapattaldy.
Tórt kún boıy qatysushylar kúrdelí tapsyrmalardy oryndap, túrlí pánder boıynsha bílímín kórsettí. Olımpıada daryndy oqushylardy anyqtauǵa jáne olardyń árí qaraı damuyna qoldau kórsetuge arnalǵan mańyzdy alańǵa aınaldy.