Almaty oblysynda iri jol apatynan alty adam qaza tapty, dep habarlaıdy Aqshamnews.kz tilshisi.
Aldyn ala málimet boıynsha, qaıǵyly oqıǵa Almaty – Bishkek avtojolynyń 65-shaqyrymynda, Qaınar aýylyna jaqyn mańda bolǵan. Polısıa departamentiniń habarlaýynsha, 23 jastaǵy Audi kóliginiń júrgizýshisi rólge ıe bola almaı, qarsy baǵytta kele jatqan Toyota markaly kólikpen soqtyǵysqan.
Jol apaty saldarynan eki kóliktiń júrgizýshileri jáne taǵy úsh jolaýshy alǵan jaraqattarynan oqıǵa ornynda kóz jumdy. Bir jolaýshy aýrýhanaǵa jetkizilgenimen, dárigerler onyń ómirin saqtap qala almady. Taǵy bes adam túrli dárejedegi jaraqat alyp, dárigerler baqylaýynda jatyr.
Polısıa qazir bul fakti boıynsha sotqa deıingi tergeý bastaǵanyn málimdedi. Qajetti sot-medısınalyq saraptamalar taǵaıyndalyp, Almaty oblysynyń PD basshylyǵy tergeý barysyn erekshe baqylaýǵa alǵan.