Almatynyń kóptegen pedagogtary koronavırýsqa qarsy ekpe aldy
Qalanyń bilim berý mekemeleriniń basshylary vaksına týraly óz pikirlerimen bólisti jáne qala turǵyndaryn jaqyndary men ózderine qamqorlyq kórsetýge shaqyrdy, dep habarlaıdy Almaty-akshamy.kz.
D.A. Qonaev atyndaǵy kolej dırektory Raıhan Bólekbaeva KVI-ge qarsy ekpe alǵanyn aıtty. «Meniń oıymsha, bul - ózińdi jáne basqalardy vırýstan qorǵaýdyń eń tıimdi ádisi. Barlyq qazaqstandyqtardy da vaksına alýǵa shaqyramyn. Biz bilim berý salasynyń qyzmetkerleri retinde balalarǵa sapaly bilim berý úshin onlaın oqytý formatynan oflaın rejımine kóshkenin túsinemiz. Óıtkeni, biz olarmen ózara aralasýymyz kerek», - dedi.
Almaty qalasy Bilim basqarmasynyń №95 jalpy bilim beretin mektep dırektory Sabırova Aınur Jumaǵazyqyzy da SOVID-19 aýrýyna shaldyqqan. Ol búginde mektep muǵalimderiniń 80%-y vaksına alǵanyn aıtty.
«Biz ekpe aldyq, óıtkeni oqýshylardy saǵyndyk. Barlyq azamattardy vaksına salýǵa shaqyramyn, sebebi deni saý ult- bizdiń bolashaǵymyz. Sondyqtan mektepter bizdiń oqýshylar úshin jáne elimizdiń bolashaǵy úshin ashylýy tıis», - dedi Aınur Sabırova.
Almaty memlekettik energetıka jáne elektrondyq tehnologıalar kolejiniń dırektory Taıtýleev Tóleýǵalı Muhamedjanuly óz áriptesterine qoldaý kórsetip, barlyq qala turǵyndaryn vaksına alýǵa shaqyrdy.
«Men vaksına saldyrý kerek dep oılaımyn. Men vaksınanyń birinshi dozasyn naýryzdyń basynda, al ekinshisin sáýirdiń basynda aldym. Men úshin bul eń aldymen azamattyq paryz boldy: qoǵam aldyndaǵy paryz, stýdentter men otbasym aldyndaǵy borysh. Sondyqtan vaksına alý qajet. Halyqtyń basym bóligi vaksına rásiminen ótken kezde biz qalypty ómirge oralatynymyzǵa senimdimin», - dedi Tóleýǵalı Taıtýleev.
Eske salsaq, muǵalimderdi erikti vaksınalaý 2021 jyldyń 3 naýryzynda bastaldy.
Almatyda KVI-dan barlyǵy 351 497 adam ekpe aldy, onyń ishinde 5 168 polısıa qyzmetkeri, 25 427 pedagog, 30 630 dáriger bar. Búginde medısınalyq uıymdarda, mektepterde, mádenıet, sport nysandarda bazarlar men qalanyń SOSO-da 212 vaksına pýnkti jumys isteıdi.
1 260 adamnan turatyn 308 ekpe brıgadasy bar.