Almaty metropolıteninde jol aqysyn tóleýdiń balamaly tásili iske qosyldy

Almaty metropolıteni jolaýshylary jol aqysyn QR arqyly tóleı alady
 
Almaty metropolıteninde qalalyq qoǵamdyq kólik qyzmetiniń sapasyn arttyrý maqsatynda 16 sáýirden bastap pılottyq rejımde jolaqy tóleýdiń jańa tásili engiziledi. Bul balamaly tólem tásili jolaýshylarǵa ınternet jelisine qosylmaı-aq QR-kod arqyly jolaqy tóleýge múmkindik beredi.
Atalǵan sheshim jerasty ınfraqurylymynyń erekshelikterin eskere otyryp ázirlenip, metropolıtendi paıdalaný yńǵaılylyǵyn arttyrýǵa baǵyttalǵan.
Jańa tásil boıynsha jolaqyny tóleý úshin:
1. ONAY! qoldanbasyn telefonda ashyńyz.
2. Negizgi bettiń  tómengi jaǵynda QR túımenibasyńyz.
3. «QR kodty jasaý» tańdańyz-ol baılanysbolmaǵan kezde de jasalady.
4. QR kodty týrnıkettegi kameraǵa kórsetińiz.
5. Júıe balansty tekseredi, týrnıket ashylady.
 Bul - jolaýshyǵa dınamıkalyq túrde jasalǵan QR kod arqyly sapardy tirkeýge múmkindik beretin tehnologıa, mobıldi qoldanba úshin ınternetke kirý qajet emes, qoldanba oflaın rejımde kodty shyǵarady. Basqasha aıtqanda, eger ádettegi nusqada statıkalyq termınal QR shyǵaryp, paıdalanýshy ony mobıldi qosymshanyń kómegimen oqytsa - bul tehnologıa boıynsha QR tikeleı qosymshada jasalady jáne jolaýshy ony arnaıy kameramen skanerlep týrnıketke qol jetkize alady.
Almaty metrosy kólik salasynyń ajyramasbóligi bolyp tabylady, kún saıyn metro 100 myńnanastam jolaýshyny tasymaldaıdy, onyń 65% - dan astamy ONAY! Biryńǵaı kóliktik jáne jeńildigi bar kartalarymen jol aqysyn tóleıdi.
Esterińizge sala keteıik, metropolıtende jolaqysyn birneshe tásilmen tóleýge bolady: jetonmen, bank kartasynyń kómegimen, metronyń jol júrý aqysyn tolyqtyratyn smart-kartasymen nemese ONAY! kólik kartasynyń kómegimen. Barlyq tólem ádisteri ádettegideı qoljetimdi bolady jáne QR-men birge jumys isteıdi.
Sonymen qatar, jolaýshylarǵa yńǵaıly bolýy úshin barlyq metro stansıalary qosymsha jabdyqtarmen qamtamasyz etiletin bolady.