Форум
AqshamNews.kz - "Алматы-ақшамы" қоғамдық-саяси газеті AqshamNews.kz - "Алматы-ақшамы" қоғамдық-саяси газеті
  • Basty bet
  • Barlyǵy
    • Resmı bólím
    • Sport
    • Kerek keńes
    • Medıtsına
    • Bílím jáne ǵylym
    • Zań men tərtíp
    • Oqıǵa
    • Ne? Qaıda? Qashan?
    • Eksklyuzıv
    • Almaty kóshelerí
  • Jańa Konstıtutsıya
Қазақ Qazaq قازاق Русский
Freedom Broker
Қазақ Qazaq قازاق Русский
AqshamNews.kz - "Алматы-ақшамы" қоғамдық-саяси газеті
  • 🏠 Basty bet
  • Barlyǵy
    • • Resmı bólím
    • • Sport
    • • Kerek keńes
    • • Medıtsına
    • • Bílím jáne ǵylym
    • • Zań men tərtíp
    • • Oqıǵa
    • • Ne? Qaıda? Qashan?
    • • Eksklyuzıv
    • • Almaty kóshelerí
  • Jańa Konstıtutsıya
  • 📰 Gazet arhıví

Bíz áleumettík jelílerde:

💱 Valyuta baǵamy:

Basty bet / Álem / Almaty men Shanhaı: 2,7 mlrd dollar kólemíndegí job...

Almaty men Shanhaı: 2,7 mlrd dollar kólemíndegí jobalarǵa jol ashqan seríktestík

Álem 07.04.2026, 14:11 157
Алматы мен Шанхай: 2,7 млрд доллар көлеміндегі жобаларға жол ашқан серіктестік
Almaty ákímdígí

Almatyda qos megapolıs arasyndaǵy sauda-ekonomıkalyq jáne ınvestıtsıyalyq baılanysty nyǵaıtuǵa baǵyttalǵan «Almaty – Shanhaı» bıznes forumy óttí, – dep habarlaıdy aqshamnews.kz tílshísí.

Almatyda qos megapolıs arasyndaǵy sauda-ekonomıkalyq jáne ınvestıtsıyalyq baılanysty nyǵaıtuǵa baǵyttalǵan «Almaty – Shanhaı» bıznes forumy óttí.

Qytaıdyń ísker toptarynyń delegatsıyasyn Shanhaı merí Gun Chjen bastap keldí.

Ís-shara memlekettík organdardyń ókílderín, bıznes qauymdastyqty jáne sala mamandarynyń basyn qosyp, ózara áríptestíktíń jańa kókjıekterín aıqyndauǵa múmkíndík berdí.

Forum qatysushylaryn qarsy alǵan Almaty ákímí Darhan Satybaldy būl kezdesudíń tarıhı máníne toqtalyp, onyń ekí qala arasyndaǵy bauyrlastyq qatynastardyń jańa belesín bíldíretínín aıtty.

«Qasym-Jomart Toqaev pen Sı Tszınpın júrgízíp otyrǵan syndarly sayasattyń arqasynda qazaq-qytaı qatynasynyń «altyn dáuírí» bastaldy. Osyndaı kezeńde írí shaharlardyń mıssıyasy rólí arta túsedí. Almaty elímízdíń jalpy íshkí ónímníń besten bír bólígín qalyptastyryp, sheteldík ınvestıtsıyanyń 40 paıyzdan astamyn tartady árí qarjy sektorynyń negízgí bólígí osynda shoǵyrlanǵan. Al Shanhaı álemdegí jetekshí qarjy ortalyqtarynyń bírí retínde damudyń joǵary standarttaryn aıqyndap otyr. Sondyqtan qos megapolıs arasyndaǵy áríptestíktíń áleuetí zor», – dedí Darhan Satybaldy.

Darhan Satybaldy Almatynyń qytaı ınvestıtsıyasy úshín negízgí ortalyqtardyń bírí bolyp qala beretínín jetkízdí. Búgínde qalada qytaı kapıtaly bar shamamen 6 myń kompanıya jūmys ísteıdí, al Qytaımen tauar aınalymy 9,5 mlrd dollardan asty.

Ákímníń aıtuynsha, ındustrıyalyq aımaqtardy keńeıtu jáne forum ayasynda jańa kelísímderge qol qoyu ónerkásíp pen joǵary tehnologıya salasyndaǵy yntymaqtastyqty jańa deńgeıge kóteredí. Sonymen qatar Almatyda tolyqqandy Almaty AI Park qūru, derekterdí óńdeu ortalyqtarynyń jelísín damytu kózdelgen. Turızm salasynda da írí bastamalar qolǵa alynbaq. Sonyń íshínde Almaty tau klasterí jobasy Ortalyq Azıyadaǵy jyl on ekí aı jūmys ísteıtín eń írí turıstík baǵyttardyń bíríne aınalyp, halyqaralyq sapa, servıs jáne ekologıyalyq talaptarǵa tolyq saı bolmaq.

Būǵan qosa, zamanauı logıstıkalyq habtar, taratu ortalyqtary men elektrondy sauda ınfraqūrylymyn bírlesíp damytuǵa keń múmkíndík bar.

«Bíz Shanhaıdyń aumaqtardy keshendí damytu men zamanauı kólík sheshímderín engízudegí tájírıbesín zerdelep otyrmyz. Almaty írí jobalardy júzege asyruǵa shanhaılyq qūrylys kompanıyalaryn, sáulet jáne ınjenerlík ūıymdardy tartuǵa múddelí. Būl sapar ózara yntymaqtastyqqa jańa serpín beríp, ózara ís-qımyldy jańa sapaly deńgeıge kóteredí», – dedí Darhan Satybaldy.

Óz kezegínde Shanhaı merí Gun Chjen Almaty men Shanhaıdyń elderíndegí írí ekonomıkalyq ortalyqtar retínde ekíjaqty qarym-qatynastardy damytuda sheshushí ról atqaratynyn atap óttí. 2025 jyly ekí qala resmı túrde bauyrlas atanyp, tíkeleı áue qatynasy jolǵa qoıyldy. Energetıka, tehnologıya jáne gumanıtarlyq almasu salalaryndaǵy baılanys jańa qarqyn aldy.

«Shanhaı Almatymen qarjy, mashına jasau, logıstıka jáne «jasyl» energetıka salalaryndaǵy yqpaldastyqty keńeıtudí josparlap otyr. Sonymen qatar qytaılyq kompanıyalardyń Qazaqstan naryǵyna shyǵuyna qoldau kórsetemíz. Innovatsıya men joǵary tehnologıya salasyndaǵy áríptestíktí de kúsheıtemíz, óıtkení būl – bolashaq ósímníń negízgí qozǵaushy kúshí. Bíz Almatymen bírge jan-jaqty yntymaqtastyqty damytyp, ortaq órkendeudíń jańa belesíne shyǵudy maqsat etemíz», – dedí Gun Chjen.

Forumda B2B-platformaǵa basa nazar audaryldy. Ol ískerlík baǵdarlamanyń negízgí bólígíne aınalyp, kompanıyalar arasyndaǵy tájírıbelík ózara ís-qımylǵa jol ashty.

Sessıyalar ayasynda qazaqstandyq jáne qytaılyq kásíporyndar arasynda tíkeleı kelíssózder óttí. Oǵan Bank of China (Shanghai Branch), ZPEC, Shanghai VOSTOSUN, Shanghai Kaiquan Pump, Shanghai Dianeng Electric, Yusheng Group, SAIC Motor, Shanghai Construction Group, ORG Technology, Xizi Elevator, YTO Express sekíldí ondaǵan kompanıya, sondaı-aq medıtsına jáne farmatsevtıka salasynyń ókílderí qatysty.

Forum qorytyndysy boıynsha 2,7 mlrd AQSh dollarynan asatyn bírlesken ınvestıtsıyalyq jobalardy íske asyruǵa baǵyttalǵan bírqatar strategıyalyq mańyzdy memorandum men kelísímge qol qoıyldy.

Telegram arnaǵa jazylyńyz
#sauda
Bólísu:
Júktelude...

Sońǵy jańalyqtar

Bloger Qaısar Hamza Vetnamda ūstaldy

Keshe 21:11

Qaraǵandy memlekettík qyzmetshílerí «Kítap oqıtyn ūlt» jobasynda joǵary kítap oqu mádenıetín kórsettí

Keshe 21:02

Almatyda írí ayaqtalmaǵan qūrylys nysany sot sheshímímen súrílíp jatyr

Keshe 18:01

Amerıkalyq avto-sayahatshy árí bloger Connor Qazaqstanǵa tántí boldy

Keshe 17:29

Almatyda Sátbaev kóshesínde júrgínshílerge arnalǵan proektsıyalyq jaryqtandyru ornatyldy

Keshe 17:13
Telegram
Jazylyńyz
AqshamNews.kz - "Алматы-ақшамы" қоғамдық-саяси газеті

"Alatau Aqparat" medıaholdıngí

Síltemeler

  • Bíz turaly
  • Baılanys
  • Jarnama
  • Jazylu
  • Gazet arhıví

Baılanys

  • Respublıka Kazahstan. 050022, g. Almaty, Adres: ul. Shevchenko, 106 a
  • +77272930803
  • alatauaqparat@gmail.com
Copyright 2026, "Alatau Aqparat" medıaholdıngí
Яндекс.Метрика