2025 jylǵy 1–15 jeltoqsan aralyǵynda «Zań jáne tártip» jalpyulttyq narratıvi aıasynda Almaty qalasynyń mektepteri men kolejderinde jasóspirimderdi qarjylyq qaýipsizdikke oqytýǵa jáne zamanaýı sıfrlyq qaterlerden qorǵaýǵa baǵyttalǵan respýblıkalyq «Qarzhy Saqshysy» kompúterlik oıyny ótkizilip jatyr.
Joba Almaty qalasy boıynsha Ekonomıkalyq tergep-tekserý departamenti men Almaty qalasy Bilim basqarmasynyń birlesip júzege asyrýymen iske asýda. Oıyn AML Academy tarapynan Qarjylyq monıtorıń agenttigimen birlesip, Qazaqstan Respýblıkasy Oqý-aǵartý mınıstrliginiń qoldaýymen ázirlengen.
Jobanyń maqsaty — jasóspirimderdiń qarjylyq saýattylyǵyn arttyrý jáne sıfrlyq ortada jaýapty minez-qulyq qalyptastyrý.
«Qarzhy Saqshysy» - oıyny jasóspirimderdi jastar arasynda jıi kezdesetin qarjylyq alaıaqtyqtyń túrli sqemalarymen tanystyrady:
• qarjylyq pıramıdalar;
• dropperlik áreketter;
• fıshıngtik shabýyldar;
• áleýmettik jeliler men messendjerlerdegi alaıaqtyq túrleri;
• sıfrlyq gıgıenanyń negizgi qaǵıdalary.
Oıynnyń ınteraktıvti formaty 10–11-synyp oqýshylary men kolej stýdentterine beıimdelgen praktıkalyq tapsyrmalardy, shaǵyn jaǵdaılardy jáne suraqtardy qamtıdy. Mundaı tásil jasóspirimderge teorıalyq bilimdi meńgerýmen qatar, naqty sıfrlyq jaǵdaılarda qaýipsiz minez-qulyq daǵdylaryn qoldanýǵa múmkindik beredi.
Oıyn qorytyndysy boıynsha úzdik qatysýshylar baǵaly syılyqtar men dıplomdarmen marapattalady. Uıymdastyrýshylardyń pikirinshe, bul joba profılaktıkanyń tıimdi quralyna aınalyp, megapolıs mektepteri men kolej stýdentteriniń qarjylyq qaýipsizdik deńgeıin arttyrýǵa yqpal etedi.