«Bírínshí bolu – batyldyq» korporatıvtík qory AYALA qaıyrymdylyq qorymen bírlesíp, Qazaqstandaǵy náresteler múgedektígíníń deńgeıín tómendetu jūmystaryn jalǵastyruda.
Bıyl Almaty Marathon qatysushylary men seríktesteríníń jarnalary esebínen jalpy somasy 145 000 000 teńgení qūraıtyn ekí bíregeı joba íske qosylady. Olardyń ortaq mıssıyasy – balalar múgedektígín boldyrmaı, olarǵa baqytty bolashaq syılau.
Qazaqstan Respublıkasy Densaulyq saqtau mınıstrlígíníń málímetínshe, tamyrlyq malformatsıyalar – balalardy ómír boıy auyrsynu, qan ketu, aǵza qyzmetíníń būzyluy, al keı jaǵdaılarda aıqyn kosmetıkalyq aqaularmen bírge ómír súruge májbúrleıtín tua bítken dert. Qazaqstanda mūndaı dıagnoz qoıylǵan nauqastarǵa medıtsınalyq kómek ázírge kórsetílmeıdí, sondyqtan otbasylar emdelu úshín shetelge júgínuge májbúr. 2021–2024 jyldar aralyǵynda memleket osy maqsattarǵa 437 mln teńgeden astam qarjy bóldí.
Almaty Marathon sportshylary men seríktesteríníń qoldauynyń arqasynda Almatydaǵy Pedıatrıya jáne balalar hırurgıyasy ǵylymı ortalyǵynda jańa medıtsınalyq jabdyq ornatylady. Ol dárígerlerge mūndaı dıagnozy bar balalardy elímízde emdeuge jol ashady. Ortalyqtyń dárígerler brıgadasy Germanıyadaǵy tamyr malformatsıyalaryn emdeuge mamandanǵan jetekshí klınıkada oqudan ótedí.
Joba ayasynda jyl saıyn 100-ge juyq ota jasalyp, 50-ge deıín balaǵa kómek kórseíledí.
Korporatıvtík «Bírínshí bolu - batyldyq» qorynyń qamqorshylyq keńesíníń tóraǵasy Ǵalymjan Esenov atap óttí:
«Almaty Marathon – būl tek sport qana emes. Qazaqstannyń ár qalasynda myńdaǵan atlet júrekterín bíríktíríp, jyl saıyn ıgí ísterge úles qosyp keledí. Qyrkúıekte Almatyda ótken on tórtínshí marafon ayasynda bíz ekí jańa jobany bastadyq. Olardyń túpkí maqsaty – balalardyń densaulyǵy men baqytty bolashaǵy. Densaulyq saqtau mınıstrlígí jáne AYALA qorynyń qoldauymen balalar medıtsınasynyń jańa kezeńíne úles qosyp otyrǵanymyz bízge shabyt beredí».
Joba 2026 jyldyń sońyna deıín júzege asyp, elímízdíń túkpír-túkpíríndegí balalardyń ómír sapasyn jaqsartuǵa yqpal etpek.
«Álemdí kóremín»: shala tuǵan sábılerdíń kózíne jaryq syılau
Retınopatıya – shala tuǵan nárestelerge tán auru. Onyń syrtqy belgílerí bolmaıdy: ata-analar sábıíne qarap, bárí jaqsy dep oılaıdy, bíraq ol kez kelgen sátte kóru qabíletínen aıyrylyp qaluy múmkín. Būl derttí der kezínde anyqtap, em júrgízu úshín joǵary bílíktí neonataldy oftalmolog pen arnaıy jabdyq qajet.
2025 jyly Shymkent qalalyq perınataldyq ortalyǵyna qorlar retınaldy kamera ornatyp, júzdegen shala tuǵan sábıler der kezínde dıagnostıkadan ótíp, emdeldí. Jobanyń sáttí íske qosyluynan keıín ol Túrkístan oblysynda jalǵasyn tabady – būl óńírde jyl saıyn 60 myńnan astam sábı dúnıege keledí, olardyń shamamen 5 myńy shala tuǵandar.
Jaqyn arada Túrkístan qalasyndaǵy №3 oblystyq perınataldyq ortalyqqa lazerlík qondyrǵy jetkízílíp, shala tuǵan balalardaǵy retınopatıyanyń asqynǵan túrlerín emdeuge múmkíndík tuady. Osylaısha dárígerler sábılerdí táuekelge salmaı-aq, Shymkentke nemese Almatyǵa shūǵyl jetkízudíń qajetí bolmaıdy.
«Álemdí kóremín» jobasy íske asqaly berí bes jyl íshínde elímízdíń kóptegen óńírínde jańa tuǵan sábıler arasyndaǵy kóru qabíletín joǵaltu derekterí derlík nólge deıín azaıdy. Túrkístan oblysyna ákelínetín jańa lazerlík qondyrǵy otalardyń 90 paıyzyn jergílíktí deńgeıde jasauǵa jol ashyp, shala tuǵan balalardyń kóru qabíletín saqtauǵa kómektesedí. Būl retınopatıyadan jáne kózdíń ózge de patologıyalarynan bolatyn balalar soqyrlyǵy qaupín aıtarlyqtaı tómendetedí.
Ekí joba da Qazaqstanda zamanauı medıtsınalyq tehnologıyalardyń engízíluíne jol ashyp otyr. Bír balalar úshín būl – tamyr patologıyasy men auyrsynudan aryluǵa múmkíndík bolsa, endí bíreulerí úshín – kóru qabíletín saqtap, álemdí tanu múmkíndígí.
Almaty Marathon – Ortalyq Azıyadaǵy eń írí júgíru merekesí. 2012 jyldan berí onyń ayasynda jalpy somasy 300 mln teńgeden asatyn 30-dan astam qaıyrymdylyq jobasy íske asty. Bıylǵy on tórtínshí marafon 28 qyrkúıekte ótedí, oǵan 16 myńnan astam adam qatyspaq. Jarys bastalmaı tūryp-aq ekí jańa rekord ornatyldy: sheteldík qatysushylar sany 1 200-den asty, al marafondyq 42,2 shaqyrymdyq qashyqtyqqa 1 500 adam ótínísh bergen.