28 qyrkúıek kúni on tórtinshi Almaty Marathon ótedi. Bıyl 60-tan astam elden kelgen 16 000 adam óz kúshin synaý úshin sórege shyǵady. Almaty Marathon uıymdastyrý komıteti ońtústik astananyń turǵyndary men qonaqtaryn 28 qyrkúıek kúni jarys qala kóshelerindegi qozǵalys ishinara shekteletindigi jóninde habarlaıdy.
28 qyrkúıek kúni saǵat 06:00-den 12:30-ǵa deıin marafon qashyqtyqtary ótetin joldarda kólik qozǵalysy ishinara shekteledi. Sportshylardyń qashyqtyqty eńserýine qaraı trassalar kezeń-kezeńimen ashylyp otyrady.
Marafonnyń sóre jáne máre syzyǵy Respýblıka alańynda ornalasady. Osyǵan baılanysty 27 qyrkúıek kúni saǵat 06:00-den bastap 28 qyrkúıek saǵat 22:00-ge deıin Sátbaev kóshesiniń Jeltoqsan kóshesinen Nazarbaev dańǵylyna deıingi bóliginde eki baǵyttaǵy kólik qozǵalysy toqtatylady.
Nazarbaev dańǵylynda Sátbaev kóshesinen Ál-Farabı dańǵylyna deıingi aralyqta kólik qozǵalysy saǵat 06:25-ten 09:35-ke deıintolyqtaı toqtatylady. Balamaly baǵyt retinde Dostyq dańǵyly arqyly eki baǵytta da júrýge bolady.
İs-shara ótetin kúni ál-Farabı dańǵylynda Nazarbaev dańǵylynan Shashkın kóshesine deıingi aralyqta saǵat 06:30-dan 09:45-ke deıin kólik qozǵalysy ishinara shekteledi. Ál-Farabı dańǵylynyń ońtústik jaǵy avtokólik qozǵalysy úshin ashyq bolady. Batys baǵyttaǵy balamaly qozǵalys Tóle bı kóshesi men Abaı dańǵyly arqyly júzege asyrylady.
ál-Farabı dańǵylynyń batys baǵytyndaǵy Shashkın kóshesinen Saın kóshesine deıingi aralyqta saǵat 06:35-ten 10:15-ke deıinkólik qozǵalysy ishinara shekteledi. Kósheniń ońtústik jaǵy avtokólik qozǵalysy úshin ashyq bolady. Batys baǵyttaǵy balamaly qozǵalys Tóle bı kóshesi men Abaı dańǵyly arqyly júzege asyrylady.
Saın kóshesiniń soltústik baǵytyndaǵy ál-Farabı dańǵylynan Abaı dańǵylyna deıingi bóligi saǵat 07:00-den 11:00-ge deıinjabylady. Kósheniń batys jaǵy avtokólik qozǵalysy úshin ashyq bolady. Soltústik baǵyttaǵy balamaly qozǵalys Baýyrjan Momyshuly kóshesi arqyly júzege asyrylady.
Abaı dańǵylynyń shyǵys baǵytyndaǵy Saın kóshesinen Rozybakıev kóshesine deıingi bóligi saǵat 07:10-nan 11:30-ǵa deıinjabylady. Dańǵyldyń soltústik jaǵy avtokólik qozǵalysy úshin ashyq bolady. Shyǵys baǵyttaǵy balamaly qozǵalys ál-Farabı dańǵyly, Tóle bı kóshesi jáne Qabanbaı batyr kóshesi arqyly júzege asyrylady.
Abaı dańǵylynda Rozybakıev kóshesinen Baıtursynov kóshesine deıingi bóligi saǵat 07:20-dan 12:00-ge deıin tolyqtaı jabylady. Balamaly qozǵalys ál-Farabı dańǵyly arqyly júzege asyrylady.
Baıtursynov kóshesiniń boıymen Abaı dańǵylynan Sátbaev kóshesine deıingi aralyqta kólik qozǵalysy saǵat 07:30-dan 12:15-ke deıin tolyqtaı jabylady.
Sátbaev kóshesiniń boıymen shyǵys baǵytta Baıtursynov kóshesinen Jeltoqsan kóshesine deıingi bóligi saǵat 07:40-tan 12:30-ǵa deıin tolyqtaı jabylady. Shyǵys baǵyttaǵy balamaly qozǵalys Tóle bı kóshesi arqyly júzege asyrylady.
Shashkın kóshesiniń boıymen ál-Farabı dańǵylynan Tımırázev kóshesine deıingi bóligi saǵat 07:00-den 08:00-ge deıin tolyqtaı jabylady. Balamaly qozǵalys Markov kóshesi arqyly júzege asyrylady.
Tımırázev kóshesiniń boıymen Shashkın kóshesinen Baızaqov kóshesine deıingi aralyqta kólik qozǵalysy saǵat 07:10-nan 08:10-ǵa deıin tolyqtaı jabylady. Batys baǵyttaǵy balamaly qozǵalys Abaı dańǵyly arqyly, shyǵys baǵyttaǵy balamaly qozǵalys ál-Farabı dańǵyly arqyly qamtamasyz etiledi.
Baızaqov kóshesiniń boıymen Tımırázev kóshesinen Qurmanǵazy kóshesine deıingi bóligi saǵat 07:15-ten 08:15-ke deıin ishinara jabylady. Soltústik baǵyttaǵy balamaly qozǵalys Áýezov kóshesi arqyly, al ońtústik baǵyttaǵy balamaly qozǵalys Manas kóshesi arqyly júzege asyrylady.
Qurmanǵazy kóshesiniń boıymen Baızaqov kóshesinen Baısetov deıingi bóligi saǵat 07:20-dan 08:40-qa deıin ishinara jabylady. Shyǵys baǵyttaǵy balamaly qozǵalys Tóle bı kóshesi arqyly júzege asyrylady.
Abylaı han dańǵylynyń boıymen Qurmanǵazy kóshesinen Abaı dańǵylyna deıingi aralyqta kólik qozǵalysy saǵat 07:25-ten 08:50-ge deıin ishinara shekteledi. Soltústik baǵyttaǵy balamaly qozǵalys Qonaev kóshesi arqyly, al ońtústik baǵyttaǵy balamaly qozǵalys Dostyq dańǵyly arqyly júzege asyrylady.
Jeltoqsan kóshesiniń boıymen Abaı dańǵylynan Sátbaev kóshesine deıingi bóligi 27 qyrkúıek saǵat 18:00-den 28 qyrkúıek saǵat 16:00-ǵa deıin ishinara jabylady. Balamaly qozǵalys Dostyq kóshesi arqyly júzege asyrylady.
Berilgen derekter júgirýge qatysýshylardyń qozǵalys ýaqytynyń utymdy bólinýin eskere otyryp engizildi.
Respýblıka alańyna avtokólikpen jetýge usynylatyn baǵyt:
Jabylǵan joldardy eskere otyryp, jarysqa barýdyń ońtaıly baǵytyn 2GIS qosymshasy arqyly qurýǵa bolady.
28 qyrkúıekte Ortalyq Azıadaǵy eń iri jyl saıynǵy júgirý jarysy – «Almaty Marathon» ótedi. Júgirýdi unatatyndar úshin kelesi qashyqtyqtar usynylady: 10 km, 10 km skandınavıalyq júris, 21,1 km, 42,2 km jáne Ekıden komandalyq estafetasy. Bıyl álemniń 60-tan astam elinen 16 myń qatysýshy sórege shyǵady.
Sóre ýaqyty:
06:30 – 42,2 km qashyqtyǵy men Ekıden sóresi
06:40 – 21,1 km qashyqtyǵynyń sóresi
07:00 – 10 km qashyqtyǵynyń sóresi (Speed, A, B, C, D, E, F klasterleri)
07:15 – 10 km qashyqtyǵynyń sóresi (G, H, J, K, L klasterleri jáne skandınavıalyq júris)