Almatyda koronavırus dertíníń kóbeyuí ınfektsıyanyń ushyǵuymen árí jańa «delta» shtammynyń tez tarauymen baılanysty.
Sondyqtan qala tūrǵyndarynyń jūqtyruyna jol bermeu boıynsha kúsheıtílgen sharalar qabyldanuda, dep habarlaıdy Almaty-akshamy.kz.
2021 jyly 26 mausymda Qazaqstan aımaǵynda epıdemıologıyalyq jaǵdaıdy baǵalau matrıtsasyna sáıkes, Almaty 5 kúndík «sary» aımaqtan «qyzyl» aımaqqa óttí. Qalada bír táulík íshínde 217 koronavıruspen syrqattanu jaǵdaıy anyqtaldy.
Qalada monıtorıngtík toptardyń belsendí jūmysy jalǵasuda, 2 856 reıd júrgízíldí, 26 938 nysan qamtyldy, karantındík shekteulerdí būzǵan 2 410 (9%) nysan anyqtaldy.
Sondaı-aq Almatyda qoǵamdyq oryndarda karantındík sharalar kúsheıtíldí. Sayabaqtarǵa, skverlerge, haıuanattar baǵyna, qala bazarlarynyń kíreberísínde betperde satu men qauípsízdík sharalary turaly dybystyq habarlau ūıymdastyryluda, sanıtarlyq patrulderdíń jūmysy kúsheıtíldí.
Qaladaǵy epıdemıologıyalyq jaǵdaıdy tūraqtandyru maqsatynda tūrǵyndardy vaktsınalau qarqyny da artty.
26 mausymda Almatyda 413 703 adam vaktsına aldy. Aldyńǵy táulík íshínde 10 725 adam vaktsınalandy. 60 jastan asqan vaktsınatsıyalanǵan adamdardyń jalpy sany - 59 590.
Qalada medıtsınalyq ūıymdarda, mektepterde, mádenıet, sport nysandarynda, bazar men qalanyń SOSO-da 208 vaktsına punktterí jūmys ísteıdí (250-ge deıín ūlǵaıtu múmkíndígímen). 1 256 adam jūmyldyrylǵan 307 ekpe brıgadasy qyzmet atqarady.
Betperde rejımín, áleumettík qashyqtyqty qamtıtyn karantındík sharalardy qatań saqtau, sondaı-aq kópshílík jınalatyn oryndarǵa barmaǵan jón. Densaulyqty qorǵaudyń jalǵyz joly — vaktsına alu.