Túrkistan qalasynda aýqymdy sporttyq shara – «Eńbek» Kýbogy spartakıadasy óz máresine jetti. Bul jarysqa Qazaqstannyń 20 óńirinen 2 000-nan astam kolej stýdenti qatysty.
Bes kún boıy stýdentter basketbol, shaǵyn-fýtbol, toǵyzqumalaq, shahmat, ústel tenısi jáne voleıbol sıaqty sport túrlerinen baq synasty.
Týrnırde Almaty qalasynyń namysyn 7 kolejden 71 stýdent qorǵady.
Jalpy komandalyq esep qorytyndysy boıynsha úzdik úshtikke Mańǵystaý oblysy kirdi. Ekinshi oryndy Qaraǵandy oblysynyń komandasy ıelense, absolútti jeńimpaz atanǵan – Almaty qalasynyń komandasy.
Aıta keteıik, shaǵyn-fýtboldan Almaty energetıka jáne elektrondy tehnologıalar koleji 1-oryn,
shahmattan Almaty tehnologıalyq koleji 2-oryn,
al basketboldan Almaty memlekettik bıznes koleji 3-oryn ıelendi.
«shaǵyn-fýtboldyń úzdik oıynshysy» nomınasıasy boıynsha Almaty energetıka jáne elektrondy tehnologıalar kolejiniń stýdenti Keńesqan Álısher marapattaldy.
Barlyq sport túrinen joǵary nátıje kórsetken úzdik komandaǵa Kýbokty Túrkistan oblysy ákiminiń orynbasary Beısenbaı Tajıbaev tabystady.
Jeńimpazdardy quttyqtap, marapattardy QR Oqý-aǵartý mınıstrligi Tehnıkalyq jáne kásiptik bilim berý departamentiniń dırektory Áset Ǵarıfollauly tapsyrdy.
«Jýyrda Memleket basshysy elimizde dene shynyqtyrý men sportty damytýǵa memlekettik qoldaýdy kúsheıtý týraly zańǵa qol qoıdy. Ońtústik astana bul saladaǵy joǵary jetistikterimen tanymal. Eń bastysy – stýdentterdiń sport pen dene shynyqtyrýǵa degen qyzyǵýshylyǵy óte joǵary. Osyndaı bedeldi týrnırde sátti óner kórsetken jeńimpazdarymyzdy quttyqtaımyn», – dedi Almaty qalalyq Bilim basqarmasynyń basshysy Saıran Saıfedenov.
2026 jyly «Eńbek» Kýbogy jalǵasyn taýyp, Ońtústik astanada ótedi.