A.P.Chehov atyndaǵy Ortalyq qalalyq kítaphanada jazushy, dramaturg, publıtsıst, qoǵam qaıratkerí, «Qūrmet» ordeníníń ıegerí Medeu Sársekeníń tuǵanyna 90 jyl toluyna oraı ádebı-tanymdyq kesh óttí. Keshke qalamgerdíń tuǵan qaryndasy Rymgúl Sársekeeva men jıenderí de qatysty.
Jazushy, «Qūrmet» ordeníníń ıegerí Dáulet Seısenūly Medeu Sársekeníń shyǵarmashylyq joly men azamattyq, adamgershílík tūlǵasy turaly, ózí sekíldí jastarǵa degen aǵalyq shapaǵaty, qamqorlyǵy jaıynda áńgímelep berdí. Pedagogıka ǵylymdarynyń doktory, akademık Aqmaral Maǵauova Medeu Sársekeníń eshqandaı ǵylymı dárejesí bolmasa da derektí, dáıektí taqyryptarǵa da jıí barǵanyn, eńbekqor azamat bolǵanyn atap óttí.
Al qalamgerdíń qaryndasy Rymgúl Sapaqyzy onyń úıdíń tūńǵyshy hám ózínen keıíngí bauyrlaryna árdaıym qamqor bolǵanyn aıtyp, balalyq shaǵynan ádemí estelíkter sherttí. Ayauly aǵasynyń barlyq shyǵarmasy, gazet qıyndylaryna deıín búgínde úı kítaphanasynda mūqıyat saqtauly ekenín maqtanyshpen tílge tıek ettí.
Medeu Sárseke – Semeıdíń Abyraly audanynan. Qazaq ken-metallurgıya ınstıtutyn bítírgen. Bíraq sanaly ǵūmyryn jazuǵa arnaǵan tūlǵa. Merzímdí basylymdarda tílshí de bolǵan. Kórkem shyǵarmalar da, derektí povest, ocherkterdí de óndírte jazǵan. Qazaq ǵylymı-fantastıkalyq ádebıetíníń negízín qalaushylardyń bírí bolǵanyn da aıta ketu kerek. Būl baǵytta «Ǵajaıyp sáule», «Kórínbestíń kóleńkesí», «Ot jáne atom», «Jetínshí tolqyn» atty áńgímelerí jaryq kórgen. A.Belyaevtíń áıgílí «Qos mekendí adam» romanyn qazaq tílíne audarǵany taǵy bar.
Negízgí mamandyǵynan da alys ketpegen desek te bolady. Sebebí, qazaqtyń tūńǵysh akademıgí Qanysh Sátbaevtyń ómírín tyńǵylyqty zerttep, nátıjesínde naqty derek-dáıekke qūrylǵan ǵūmyrnamalyq «Sátbaev» kítaby jaryq kóredí. Ózí tuyp ósken óńírdíń adamzatqa tıgízgen zardabyn beınelegen «Semeı qasíretí» kítaby da būl kúnde elímízdíń barlyq kítaphanasynyń sóresínen tabylady. Onyń bírneshe tuyndysy «Tamasha adamdardyń ómírí» («JZL») serıyasynan basylyp shyqqany da otandyq ádebıetke qosylǵan úlken úles ekení sózsíz.
«Medeu Sárseke – parasat pen qalam ıesí» degen taqyrypta ótken ádebı-tanymdyq keshte dástúrlí ánshí, Qazaqstannyń eńbek síńírgen qaıratkerí Erkín Shúkíman da sóz alyp, tūlǵanyń shyǵarmashylyǵymen jaqsy tanys ekenín, qalamgerdíń tuyndylary álí talaı buynǵa úlgí bolatynyn tílge tıek etíp, meımandarǵa, jastarǵa án shyrqap berdí. Al Almatyda qolǵa alynǵan «Oquǵa qūshtar mektep» jobasy ayasynda Medeu Sársekeníń «Sátbaev» kítabyn oqyp, talqylap, zerdelegen №15 gımnazıyanyń 10 «á» synyby oqushylary áıgílí shyǵarmadan úzíndíler oqydy.
«Ūly Abaı, Shákárím babamyz, Mūhtar Áuezovteı qalamger dúnıege kelgen óńírde tuǵan Medeu aǵamyz tóńíregínde júrgen adamdarǵa túgel jaqsylyq jasap júretín adam edí. Demalysynda tuǵan jerge baruǵa jınalǵanda áke-sheshesí «Medeujan kele jatyr eken» dep jeke kıíz úı tígíp qoyatyn bolǵan. Aǵamyz sonyń íshínde jatyp shyǵarmalaryn jazatyn bolǵan desedí. Ájelerímíz solaı aıtyp otyratyn. Qazaq ken-metallurgıya ınstıtutyn bítíríp, zauyttarda jūmys ístep júríp, «Kómbe», «Jańǵyryq» romandaryn, «Jetí jyldyqtyń jígítterí», «Qaz qaıtqanda», «Aıshyqty mezet» derektí povesterín jazdy. Sóıtíp óndírís taqyrybyna qalam tartqan alǵashqy qalamger atandy. Qazír baıqap júrgen bolsańyzdar, Almatyda 24 saǵat, yaǵnı kúní-túní jūmys ísteıtín kítaphanalar ashylyp jatyr. Būl jastar úshín úlken múmkíndík. Medeu aǵamyz baspadan shyqqan kítaptaryn kítaphanalarǵa óz qolymen ákelíp tapsyryp júretín. Jas buynnyń bílímdí, zerdelí bolǵanyn qalaıtyn. Medeu Sársekeníń eńbegín ūmytuǵa bolmaıdy. Osyndaı tūlǵanyń beınesí jyl ótken saıyn jarqyraı túserí anyq», – dedí aqyn Bauyrjan Jaqyp.
