Eńbek ūjymdary almatylyqtardy sanaly tańdau jasauǵa shaqyrdy, dep habarlaıdy aqshamnews.kz tílshísí.
Almatydaǵy írí kásíporyndar – Nero 1, Nero 2 jáne Eltex qyzmetkerlerí 23 tamyzda ótetín Qūryltaı múshelerín saılauǵa qoldau bíldírdí. Qalanyń óndírístík alańdarynda ótken kezdesu barysynda eńbek ūjymynyń ókílderí dauys beruge qatysuǵa nıettí ekenín aıtyp, belsendí azamattyq ūstanymnyń mańyzdylyǵyn atap óttí.
Ártúrlí mamandyq ıelerí men túrlí buyn ókílderí – ınjenerler, jūmysshylar, tehnologtar, mamandar men eńbek ūjymynyń ókílderí – eldíń qoǵamdyq-sayası ómíríne jauapkershílíkpen qatysu ıdeyasyn qoldap, ortaq maqsat tóńíregíne toptasty. Olardyń aıtuynsha, Qūryltaı múshelerín saılau – osy qoǵamdyq ınstıtuttyń ókíldík qūramyn qalyptastyruǵa múmkíndík beretín mańyzdy kezeń.
Óndírís salasynyń qyzmetkerlerí árbír azamattyń dauysy mańyzdy ekenín, al saılauǵa qatysu qoǵamnyń damuy men azamattyq bírlíktí nyǵaıtuǵa qosylatyn naqty úles ekenín atap óttí.
Eńbek ūjymdary almatylyqtardy qalmaı, 23 tamyz kúní saılau uchaskeleríne kelíp, sanaly tańdau jasauǵa shaqyrdy.