Almatyda Arizona State University (ASU) unıversıtetímen strategıyalyq seríktestíkte jūmys ísteıtín jańa halyqaralyq Innotech unıversıtetí resmı túrde íske qosyluda, – dep habarlaıdy aqshamnews.kz tílshísí.
ASU — U.S. News & World Report nūsqasy boıynsha 11 jyl qatarynan AQSh-taǵy eń ınnovatsıyalyq joǵary oqu oryndarynyń bírí bolyp tanylǵan unıversıtet.
Unıversıtettíń íske qosyluy Qazaqstan men Ortalyq Azıyadaǵy joǵary bílímdí damytudaǵy mańyzdy kezeń bolyp tabylady. ASU jáne Cintana Education alyansymen yntymaqtastyqtyń arqasynda Innotech zamanauı bílím beru standarttaryna jáne halyqaralyq ıntegratsıyaǵa baǵyttalǵan jahandyq unıversıtetter jelísíníń bír bólígíne aınalady.
Resmı ashylu rásímí memlekettík organdar ókílderíníń — QR Ǵylym jáne joǵary bílím mınıstrí Sayasat Nūrbektíń, Almaty qalasy ákímíníń orynbasary Abzal Núkenovtíń, sondaı-aq halyqaralyq seríktesterdíń, sonyń íshínde ASU jáne Cintana Education basshylyǵynyń qatysuymen óttí.
Seríktestík ayasynda Innotech ASU standarttary negízínde ázírlengen bílím beru baǵdarlamalaryn engízedí. Studentter halyqaralyq oqu modulderíne, zertteu jobalaryna, sheberlík sabaqtaryna jáne akademıyalyq ūtqyrlyq múmkíndíkteríne qol jetkízedí. Ikemdí bílím beru traektorıyalaryna erekshe nazar audarylady. Qajettí rūqsattar alynǵannan keıín unıversıtet studentterge qazaqstandyq jáne amerıkalyq dıplom aluǵa múmkíndík beretín qos dıplom baǵdarlamalaryn, sonyń íshínde 3+1, 4+1 jáne 1+1 formattaryn ūsynatyn bolady.
Innotech negízín qalaushy Bolat Pralıv atap ótkendeı:«Bíz halyqaralyq bílím beru salasynda óńírlík kóshbasshyǵa aınalatyn jáne studentterge jahandyq múmkíndíkterge jol ashatyn jańa buyn unıversıtetín qūryp jatyrmyz».
Óz kezegínde Almaty qalasy ákímíníń orynbasary Abzal Núkenov būl jobanyń qala úshín mańyzdylyǵyn atap óttí.
«Búgín bíz mańyzdy bílím beru jobasynyń íske qosyluyna kuá bolyp otyrmyz. Būl — bolashaq ekonomıkasyna qajettí mamandardy dayarlaıtyn jańa buyn unıversıtetí. Atalǵan bastama Almatynyń bílím beru jáne tehnologıyalyq ortalyq retíndegí mártebesín kúsheıtedí. Memleket basshysy atap ótkendeı, eldíń basty kapıtaly — bílímdí árí básekege qabílettí jastar. Jańa unıversıtet osy maqsatqa qol jetkízuge naqty úles qosady», — dedí Almaty qalasy ákímíníń orynbasary Abzal Núkenov ís-shara barysynda.
Bílím beru baǵdarlamalary qazírgí tańda eń sūranysqa ıe baǵyttardy — bıznesten bastap tsıfrlyq tehnologıyalar men kompyuterlík ǵylymdarǵa deıíngí salalardy qamtıdy. Negízgí mamandyqtar qatarynda kıberqauípsízdík, jahandyq menedjment, halyqaralyq bıznes, bıznestegí jasandy ıntellekt jáne derekter analıtıkasy bar.
Sonymen qatar 2026 jyly talapkerlerdí dayarlauǵa arnalǵan jazǵy qarqyndy baǵdarlama íske qosylady. Baǵdarlama akademıyalyq aǵylshyn tílín, ASU standarttary boıynsha oqytudy, sondaı-aq synı oılau, taldau jáne kommunıkatsıya sıyaqty negízgí daǵdylardy damytudy qamtıdy.
Joba QR Ǵylym jáne joǵary bílím mınıstrlígí men Q Group kompanıyasynyń qatysuymen júzege asyrylyp, eldíń bílím beru júıesíne ınnovatsıyalardy engízuge baǵyttalǵan.
Íske qosu ayasynda bıznes jáne ındustrıya ókílderíníń qatysuymen paneldík píkírtalastar da ótedí. Onda eńbek naryǵynyń jańa talaptary jáne bolashaq mamandardy dayarlaudaǵy bílím berudíń rólí talqylanady. Ūzaq merzímdí perspektıvada Innotech kópkampusty ekojúıení damytudy, sonyń íshínde Ǵylym qalashyǵynda jańa kampus qūrudy jáne 2036 jylǵa qaraı 10 000-nan astam studenttí tartudy josparlap otyr.
Osylaısha, Innotech unıversıtetíníń íske qosyluy Qazaqstandaǵy halyqaralyq bílím berudí damytuda jańa kezeń ashyp, Almatynyń óńírdegí negízgí bílím beru ortalyǵy retíndegí pozıtsıyasyn nyǵaıta túsedí.
Aıta keteıík, Almatyda sheteldík studentter sany jyl saıyn artyp keledí. Máselen, ótken jyly būl kórsetkísh 45%-dan astamǵa óstí. Osylaısha, Almaty halyqaralyq studenttík ortalyq mártebesín tūraqty túrde nyǵaıtyp, álemníń túkpír-túkpírínen keletín studentter úshín tartymdy qalaǵa aınaluda. Sheteldík jastar tarapynan qyzyǵushylyqtyń artuy megapolıs joǵary oqu oryndarynda bílím alyp jatqan sheteldík studentter sanynyń aıtarlyqtaı ósuímen dáleldenedí.
«Tek sońǵy bír jyldyń íshínde sheteldík studentter sany 45%-dan astamǵa óstí. Qazírgí tańda qalada 17,1 myń sheteldík student bílím aluda, būl ótken kezeńmen salystyrǵanda 5,5 myń adamǵa kóp. Bíz joǵary oqu oryndarymyzdyń álemdík reıtıngterdegí ornyn nyǵaıtyp, halyqaralyq baǵdarlamalardy damytyp, joǵary sapaly zamanauı bílím beru ortasyn qalyptastyryp otyrǵanyn maqtan tūtamyz. Būl Almatyny álemníń ár túkpírínen kelgen studentter úshín erekshe tartymdy etedí», — dep atap óttí Almaty qalasy Jastar sayasaty basqarmasynyń basshysy.
Kórsetkíshterdíń tūraqty ósuí jergílíktí atqarushy organdar júrgízíp otyrǵan júıelí sayasatpen túsíndíríledí. Búgínde Almaty — jastar qalasy. Mūnda 14 pen 35 jas aralyǵyndaǵy 712,3 myńnan astam adam tūrady, būl qala halqynyń jalpy sanynyń 32%-yn qūraıdy. Qaladaǵy 35 joǵary oqu ornynda 231 myń student bílím alady, onyń 131 myńy — ózge óńírlerden kelgen jastar. Sheteldík studentterdíń jalpy sany 17 093 adamdy qūraıdy.
Qala bılígí qazaqstandyq jáne sheteldík studentterdíń beıímdeluí úshín qolaıly árí qauípsíz jaǵdaı jasauǵa erekshe kóńíl bólíp otyr. Tálímgerlík jáne mentorlyq baǵdarlamalar íske asyryluda, studenttík ortaǵa ıntegratsıyalanuǵa kómek kórsetílude, bílím beru, mádenı jáne sporttyq ınfraqūrylymǵa qoljetímdílík qamtamasyz etílude. Jaqyn arada Almatyda sheteldík studentterdí qoldaudyń Bíryńǵaı ortalyǵy jūmysyn bastaıdy. Ol oqu jáne kúndelíktí ómírge qatysty negízgí máseleler boıynsha baǵyt-baǵdar beretín navıgatorǵa aınalady.
Bílím berudí damytuǵa keshendí kózqaras, studenttík ınfraqūrylymdy keńeıtu jáne jastardy júıelí qoldau Almatyǵa sheteldík studentter sanyn arttyrumen qatar, halyqaralyq studenttík ortalyq mártebesín senímdí túrde nyǵaıtuǵa jáne álemníń jetekshí joǵary oqu oryndarymen básekelesuge múmkíndík beredí.
Sheteldík studentterdí tartu qalanyń damuyna keshendí oń áser etetínín atap ótken jón. Olar tūru, tamaqtanu, kólík jáne qyzmet kórsetu salalaryna jūmsaıtyn shyǵyndary arqyly qala ekonomıkasyna qosymsha qarjy aǵynyn qalyptastyrady, sondaı-aq qalalyq ınfraqūrylym men servıstík ortanyń damuyna yqpal etedí. Sonymen qatar halyqaralyq studentter kontıngentíníń ósuí bílím sapasyn arttyruǵa, akademıyalyq ūtqyrlyqty damytuǵa jáne qalanyń bílím beru árí ınvestıtsıyalyq ortalyq retíndegí mártebesín nyǵaıtuǵa septígín tıgízedí. Sheteldík túlekter ūzaq merzímdí halyqaralyq baılanystar qalyptastyryp, Qazaqstannyń jahandyq deńgeıdegí ımıdjín ílgeríletuge úles qosady.