Almaty qalasy Bilim basqarmasy memlekettik bilim berý uıymdarynyń basshylaryn irikteýge arnalǵan ashyq konkýrs jarıalady. Konkýrs İlıas Esenberlın atyndaǵy №25 gımnazıanyń dırektory laýazymyna ótkiziledi, - dep habarlaıdy Aqshamnews.kz.
Gımnazıa 1999 jyldan beri jumys isteıdi. Laýazymdyq jalaqy jumys ótiline qaraı 202 807–245 988 teńge aralyǵynda belgilenedi.
Úmitkerlerge qoıylatyn negizgi talaptar:
– joǵary pedagogıkalyq bilim nemese pedagogıkalyq qaıta daıarlaý;
– keminde 5 jyl pedagogıkalyq jumys ótili, sońǵy 2 jyly úzdiksiz;
– basshy nemese dırektordyń orynbasary retinde keminde 2 jyl tájirıbe;
– biliktilik sanatynyń (pedagog-sarapshy, zertteýshi, sheber jáne t.b.) bolýy artyqshylyq beredi;
– QAZTEST nemese Qazaq Resmi Test sertıfıkaty (V1 deńgeıinen tómen emes).
Úmitker bilim berý uıymyn basqarý, pedagogıkalyq prosesti uıymdastyrý, materıaldyq-tehnıkalyq bazany damytý, qaýipsizdikti qamtamasyz etý, kadrlyq saıasat júrgizý jáne qarjylyq eseptilik daıyndaý sıaqty mindetterdi oryndaıdy.
Qujattar qabyldaý merzimi - konkýrs týraly habarlandyrý resmı basylymdarda («Almaty aqshamy», «Vechernıı Almaty») jáne edualmaty.kz saıtynda jarıalanǵan sátten bastap 7 jumys kúni ishinde júrgiziledi.
Ótinimder Almaty qalasy, Respýblıka alańy, 4 (Almaty qalasy Bilim basqarmasy) mekenjaıy boıynsha nemese elektrondy poshta arqyly qabyldanady: service.ok.2@mail.ru
Áńgimelesýge jiberilgen kandıdattar tizimi basqarmanyń saıtynda jarıalanady. Úmitkerler áńgimelesýdi oflaın formatta ótedi.