"Almaty aqshamy" gazetíníń basshylyǵy auysty
Qalanyń bas basylymdarynyń bírí jańa tájírıbelí komandaǵa seníp tapsyryldy. Būl turaly "Alatau Aqparat" medıa holdıngíníń dırektory Erjan Qalymbaıūly resmı habarlady
Gazettíń bas redaktory qyzmetíne jurnalıst Estaı Bojan taǵaıyndaldy. Ol medıa salasynda ózíndík qoltańbasy bar, qalamy júırík maman retínde belgílí.
Sonymen qatar redaktsıya qūramynda basqa da auys-túıís boldy. Bas redaktordyń orynbasary bolyp Serík Jūmabaev, jauapty hatshy retínde Qūralaı Imanbekqyzy taǵaıyndaldy.
Erjan Qalymbaıūlynyń aıtuynsha, būl úsh maman da "Aqshamnyń" óz qazanynda qaınap, tájírıbe jınaǵan mamandar. Olardyń kásíbı bílíktílígí basylymnyń dástúrlí qūndylyqtaryn saqtap, ony zamanauı formatqa beıímdeuge múmkíndík beredí.
"Almaty aqshamy" - qazaq jurnalıstıkasynda orny bólek, tarıhı basylym. Būryn gazettí Erǵalı Saǵat pen Qalı Sársenbaı sıyaqty marǵasqalar basqarǵan. Keıíngí jyldary tízgíndí ūstap kelgen Tórehan Danıyarov qūrmettí eńbek demalysyna shyqty. Áríptesterí oǵan gazettíń damuyna qosqan úlesí úshín alǵys aıtyp, jańa ómír kezeńínde sáttílík tíledí.
Jańarǵan komanda gazettí jańa deńgeıge kóteríp, megapolıstíń tynys-tírshílígíne saı mazmūn ūsynudy maqsat etíp otyr. "Almaty aqshamy" oqyrmandardyń sūranysyna jauap bere otyryp, dástúrlí qūndylyqtaryn saqtap, zaman talabyna saı jańasha formatta jūmysyn jalǵastyrady degen sením bar.
