Almaty qalasynyń ákímí Darhan Satybaldy jūmys sapary barysynda «Medeu» bıík tauly sport kesheníne baryp, júrgízílíp jatqan jańartu jūmystarymen tanysty.
Qala basshysy jańǵyrtu kezínde Almatynyń sporttyq jáne mádenı mūrasynyń bír bólígí sanalatyn ańyzǵa aınalǵan mūz aıdyny kesheníníń tarıhı kelbetí tolyq saqtalatynyn atap óttí, - dep habarlaıdy Aqshamnews.kz
Joba ayasynda halyqaralyq standartqa saı zamanauı árí energıya únemdeıtín keńístík qūru josparlanǵan. Būl úshín jańa tońazytqysh jabdyǵyn ornatu jáne ınjenerlík kommunıkatsıyany tolyq auystyru kózdelgen.
Shyǵys qanattaǵy qonaq úı jańartylyp, batys trıbunada kofehanalar men demalys aımaǵy ornalasqan terrasa jasalady. Keshen aldynda jerasty parkıngíníń ústínde «SUN-DECK» atalatyn kópfunktsıonaldy qoǵamdyq keńístík formatyndaǵy demalys aımaǵy paıda bolady.
Írgeles aumaqty kórkeıtuge erekshe kóńíl bólíngen: júrgínshíler aımaǵy, sholu alańdary jáne panoramalyq núkteler jasalady. Sonymen bírge kógaldandyru, zamanauı jáne sáulettík jaryq beru ornatylady. Múmkíndígí shekteulí azamattar úshín ekí jedelsaty qarastyrylǵan.
«Medeu» bıík tauly sport keshenín jańartu jūmystaryn 2027 jyly tórtínshí toqsanda ayaqtau josparlanyp otyr.
